Kinşasa

şeer Kinşasa Kinshasa Bayraq Tuğra Bayraq Tuğra Memleket Kongo Demokratik Cumhuriyeti Coğrafik koordinatalar -4.331667, 15.3138894°19′54″ c. e. 15°18′50″ ş. b.4.331667° c. e. 15.313889° ş. b.    Meydanlıq 9.965 km² Yükseklik 240 m (deñizge nisbeten) Eali 11.855.000 kişi (2016) Eali sıqlığı 1189,66 kişi/km² Saat quşağı UTC 01:00[d] Telefon kodu 0987- Kinşasa

Kinşasa (frenkçe Kinshasa), evelki adı Leopoldvil (frenkçe Léopoldville) - Kongo Demokratik Cumhuriyetiniñ paytahtıdır. Kinşasa Kongo özeniniñ sol yalısındaki eñ büyük limanıdır, Büyük Sahra cenübinde eñ büyük şeerlerden biridir. Kinşasa, Yohannesburgnen beraber Afrikanıñ şeerleri arasında ealiniñ sayısına köre üçünci yerinen paylaşa (birincilik ve ekincilikni Lagos ve Qaire ala).

Kinşasanıñ qarşısında, Kongo özeniniñ o bir yalısında Kongo Cumhuriyetiniñ pahtahtı olğan Brazzavil buluna. Eki paytahtnıñ bir-birinden özen ile ayırılğanı, dünyada tek bir misalidir.

2009 senesi şeerniñ ealisi qararnen 10 mln. kişi edi, topraqlarınıñ 60%-ı - az adam yaşağan köy yerleridir, ancaq bu yerler şeerniñ memuriy sıñırları içindedir. Sıq adam yerleşken şeer bölgeleri, vilâyetniñ ğarbındaki topraqlarınıñ tek az bir parçasıdır.

Bunen beraber o, ealiniñ çoqusı frenkçe laf etken dünyanıñ eali sayısından (Paristen soñ) ekinci şeeridir. Kinşasa, zemaneviy demografik vaziyetini saqlarken, 2020 senesine Parisni eali sayısından keride qaldırmaq ihtimalı bsr edi.

Eali

Yıl Sayı 1920 1.600 ± 100 1936 40.300 ± 100 1938 35.900 ± 0 1939 42.000 ± 500 1947 126.100 ± 100 1957 299.800 ± 100 Yıl Sayı 1959 402.500 ± 100 1967 901.520 ± 10 1968 1.052.500 ± 100 1970 1.323.039 1974 1.990.700 ± 100 1976 2.443.900 ± 0 Yıl Sayı 1984 2.665.309 1991 3.804.000 ± 500 1994 4.655.313 2003 6.786.000 ± 500 2005 7.500.000 ± 100.000 2012 9.464.000 Yıl Sayı 2014 10.125.000 2015 11.575.000 2016 11.855.000