Torra di Sagone

A torra di Savona

A torra di Savona hè una torra di Corsica. Hè situata annantu à a cumuna di Vicu. 'Ssa torra d'agguattu litturali hè situata à punenti di a cala di Savona. A torra ùn hè micca in bonu statu di cunsirvazioni, chì hè in parti arruvinata. Hè classata com'è munimentu storicu.

Storia

A torra di Savona, da vicinu

A torra ghjenuvesa di Savona hè stata custruita à u principiu di u seculu XVII, à listessa epica ch'è i torri d'Omigna, Orchinu, Carghjesi è Capu Rossu. Faci parti di l'insemu di torri custruiti à l'ebbica longu i costi di Corsica da i ghjenuvesi, chì a Corsica era tandu sottu à a so duminazioni, par pruteghja l'abitanti da l'incursioni di i pirati barbareschi, chì abbuttavani tandu i casi è i paesi è rapìani la ghjenti.

U 21 aprili 1763, a torra di Sagona chì strapiomba a cala di Savona, vardata da i Ghjinuvesi par pruteghja u trasportu di legnu di a furesta d'Aitona, hè attaccata da i Corsi. Dopu à un prima faddimentu, 'ssa mossa hè incurunata di successu calchì ghjornu dopu.

U 1a maghju 1811, un gruppu di navi di guerra inglesi attacca i trè navi francesi posti in u fondu di a cala di Sagona. L'artigliaria hè stallata annantu à a piattaforma suprana di a torra è una battaria hè custruita à u so pedi. Dopu menu di dui ori di cumbattu, i spararii inglesi hani raghjoni di a risistenza francesa. A torra hà subitu calchì disguastu par via di 'ssa battaglia.

Bibliugrafia

I torri annantu à a stemma di Savona

Liami

• Archivi Dipartimentali di u Pumonti: Lettara di Nabulionu à u ministru di guerra, Clarke, duca di feltre, 3 nuvembri 1811
• Direzzione Regiunale di l'Affari Culturali di Corsica, Prutezzione di e torre genuvese di Corsica