Ширк

Ширк (Ӏаьр. ٌشِرْك‎‎ «Деланийла») — иза исламан термин йу, цо гойту ӏибадатдарехь а, пачхьаллехь а Делаца накъост вар а, Иза воцучунна текъар а. Ислам дино Делаца накъост вар (ширкдар) даккхийчу къинойх лоруш ду, и вечух «мушрик» (деланийхо) олу. Ширк а, куфр а цкъацца цхьана маьӏнехь леладо. Ткъа куфр олу Дела харцварх а, Цуьнах цатешарх а. Цкъацца цу шиннан йукъ къастайо, тӏаккха ширкдар схьакъастадо цӏунашна а, седарчашна а, йа кхечу хӏуманашна а ӏибадатдарца, Аллахӏ шайна вевзушшехь, тӏаккха куфр уггар йукъара хуьлу ширкал а.