Wikipedia:保薦好文/朝鮮半島歷史

參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.

---

韓戰坦克

朝鮮半島舊底號𡅏「高麗」「朝鮮」，是東亞其蜀隻半島。這半島懸頂有2隻國家：朝鮮民主主義人民共和國（一般號𡅏朝鮮或者北韓）共大韓民國（一般號𡅏韓國或者南韓），主要其民族都是朝鮮族，講朝鮮語（也號𡅏韓國語）。這國家其歷史眞長。今旦考古學家其研究發現，幾十萬年以前就有儂着夫塊住了。按朝鮮神話裡勢其講法，天神桓雄共熊其諸娘囝結婚，生下檀君，這檀君就是今旦朝鮮民族其始祖。遘尾了檀君建立古朝鮮，嚽是朝鮮其開國。敆今旦北韓其平壤有檀君其墓，號𡅏「檀君陵」。不過嚽是伓是檀君真其墓，現在儂固講𣍐清楚，因為北韓政府伓讓考古人員行裡去調查。由1世紀開始，韓半島懸頂有高句麗、百濟、新羅三芘國家。茲隻時代乞韓國史學界號𡅏「三國時代」。三國臺中高句麗最強大，隋煬帝共唐太宗自家帶幾十萬其部隊去拍，都乞伊拍輸去。不過高句麗也元氣大傷，着668年乞新羅滅囇，統一新羅王朝就總款產生了。 (世落讀...)