toenn

Brezhoneg

Etimologiezh

Diwar an anv-kadarn to hag -enn.

Anv-kadarn

toenn /ˈtoːɛn/ benel (liester : toennoù)

1. To, lodenn uhelañ diavaez an ti.
   • Toenn soul kraou ar saout. — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 118.)
   • Ar yer, ar c'hilhog hag ar bolezig vihan a zihunas trumm hag a nijas spontet, betek toenn ar c'hraou ; ar pluñv a nijas kemend-all. — (Jakez Riou, An Ti Satanazet, Skridoù Breizh, 1944, p. 130.)
   • Aet an doenn war an ti. — (TBP?, p. ?.)
   • An ti-se a zo un doenn c'hlas warnañ. — (Jules Gros, Le trésor du breton parlé Deuxième Partie, 1970, p. 522.)
   • An ti bihan a zo fall an doenn warnañ. TBP 3/85 — (Jules Gros, Le trésor du breton parlé Troisième Partie, 1974, p. 85.)
   • [...] ha chom eno da selaou en noz kan an avel er skourroù, a-us d'am zoenn, [...]. — (Aleksandr Soljenitsyn, lakaet e brezhoneg gant Ernest ar Barzhig, Ti Vatriona, Al Liamm, 1976, p. 11.)
   • A-hend-all, en devoa bet bec'h er skol en deiz ma oa bet kavet war doenn kegin ar skol. — (J.K. Rowling, lakaet e brezhoneg gant Mark Kerrain, Harry Potter ha Maen ar Furien, An Amzer embanner, 2012, p. 30.)

Gerioù kevrennek

• bolz-toenn
• toenniñ
• toenn-red
• toenn-vaot
• toenn-vor
• toenn-blouz

Troioù-lavar

• bezañ kouezhet etre kebr ha toenn

Troidigezhioù

• galleg : toit ^(fr) , toiture ^(fr)
• saozneg : roof ^(en)