pinvidik

Brezhoneg

Sellet e vez ouzh ar bajenn pe ar gevrenn-mañ evel un divraz da glokaat e brezhoneg. Mar gouezit tra pe dra diwar-benn danvez ar pennad e c'hellit lakaat ho kouiziegezh da dalvezout dre gemmañ ar bajenn-mañ diouzhtu goude klikañ war al liamm « kemmañ ».

Gwelet ivez : pinvidig

Etimologiezh

Meneget er C'hatolikon (pinuizic).

Da geñveriañ gant ar ger kembraek pendefig.

Anv-gwan

Derez	Furm
Derez-plaen	pinvidik
Derez-uheloc'h	pinvidikoc'h
Derez-uhelañ	pinvidikañ
Derez-estlammiñ	pinvidikat

pinvidik /pĩnˈviːdik/, pinvik /ˈpĩnvik/

A vez lavaret eus un den hag en deus kalz madoù pe arc'hant.
- Pinvidik oa hervez ar bed, hag alies n'en deveze ket daou skoed war e anv : kement en doa a roe d'ar paour. — (Lan Inizan, Emgann Kergidu 1, Brest, 1877, eil emb. Al Liamm 1977, p. 16.)
- — « [...]. Me va unan, daoust ha n'oun ket pinvidik, a zikouro ivez gwella ma c'hellin da veva ha da wiska ar paotr. — (Lan ar Bunel, Laouig ar Penker eun danvez beleg, Moulerez straed ar C'hastell, Brest, 1929, p. 45.)
- — « Ya, c'hwi, c'hwi ; laer oc'h sur, rak n'eus nemet al laeron hag a zeu pinvidik. » — (Jakez Riou, An Ti Satanazet, Skridoù Breizh, 1944, p. 110.)
- Me am-eus eur c'hoar hag a zo pinvidig evel ar mor. — (Jules Gros, Le trésor du breton parlé Première Partie, 1966, p. 30.)
- Pinvidig ? Damen estroh evid (estreged) hennez a zo pinvidig ! — (Jules Gros, Le trésor du breton parlé Première Partie, 1966, p. 168.)
- Deomp d'or gweleo(u),... ma na vezomp ket pinvidig unan bennag a vezo ! — (Jules Gros, Le trésor du breton parlé Troisième Partie, 1974, p. 388.)
pinvidik-bras
- Bet e voe pinvidik-bras; [...]. — (Erwan ar Moal, Pipi Gonto, Kemper, 1925, p. 1.)
pinvidik-mor : pinvidik evel ar mor.
- An eil. — Eun den fall oa evelato, red eo lavaret ; pinvidik-mor ha mont da laerez eur paourkeaz. — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 41.)
En droienn pinvidik pe binvidikoc'h:
- Bremañ emañ an dud o klask bezañ pinvidik pe binvidikoc'h. — (Jules Gros, Le trésor du breton parlé Troisième Partie, 1974, p. 47.)

Gerioù heñvelster

madek

Deveradoù

Krennlavarioù

N'aer ket da binvidig dre onestiz. — (Jules Gros, Le trésor du breton parlé Troisième Partie, 1974, p. 313.)
Aluzen diwar aluzen a laka ar paour pinvidig. — (Jules Gros, Le trésor du breton parlé Troisième Partie, 1974, p. 314.)
Aesoc'h d'ur c'hañval tremen dre grao un nadoz
Eget d'un den pinvidik mont d'ar baradoz.
Paour pe pinvidik
Pep den a rank dizourañ e gig

Rimadelloù

Patatez ha laez
D'ar beorien gaez;
Patatez ha kig
D'an dud pinvidig. — (Jules Gros, Le trésor du breton parlé Troisième Partie, 1974, p. 377.)

Troidigezhioù

esperanteg : riĉa ^(eo)
galleg : riche ^(fr)

kembraeg : cyfoethog ^(cy)
saozneg : rich ^(en) , wealthy ^(en)
spagnoleg : rico ^(es)