harz
Brezhoneg
Etimologiezh
- (Anv-kadarn) ⊟ Etimologiezh da glokaat (Ouzhpennañ)
- (Furm verb) Savet diwar harz-, pennrann ar verb herzel, hep dibenn-ger.
Anv-kadarn
harz /ˈhars/ hollek gourel (liester harzoù)
- (En e furm lies) Bevenn.
- Jeanne d’Arc a zo ganet en ur bourk dister anvet Domremy, war harzoù al Lorraine e tu ar sav-heol deus Frañs. — (Gabriel Morvan, J.-M. Le Gall, Buez ar Zent, 1913, p. 887.)
- Boleslas, roue ar Pologn, ne baouezas ket, betek ar bloaz 1018, da lammat dreist harzoù e rouantelezh, da zismantr ar c'hêrioù hag ar maezioù. — (Yann-Vari Perrot, Erwan ar Moal, Bue ar Zent, Montroulez, 1912, p. 508.)
- Tra a vir da vont war-raok.
- C'hoant az peuz d’am spontañ, ankounac’haet az peuz eta penaos ar garantez ne anavez harz ebet hag ha echu bepred dre vezañ trec’h ? — (Paul Cadiou, Telen Merlin, Hamon & Kervellec, Brest, 1904, p. 54.)
- Peb den a zoug e zamm — pep hini 'n eus e lod
Ar bed ac’h a, a zeu, hag an holl draoù a ruilh.
Ha ma glaskit ur wech lakaat an harz d’ar rod,
A po 'ziwar ho fri — 'vel un diskrog-anduilh. — (Fañch Abgrall, Luc’hed ha Moged, 1935, p. 82.)
Deveradoù
Troioù-lavar
- ober un harz: chom a-sav
- ober un harz: chom a-sav
- harz-diharz: dibaouez
Troidigezhioù
Verb
harz /ˈhars/
- Stumm rannyezhel an anv-verb herzel.
- An dud, pa deujont d'anavezout perak e oa bet savet, ne oad ket evit harz anezhe da zont d'he daremprediñ. — (Yann-Vari Perrot, Erwan ar Moal, Bue ar Zent, Montroulez, 1912, p. 928.)
Krennlavar
- Re ziwezhat eo da harz
Pa vez aet ar beg e-barzh. — (Krennlavar.)
Furm verb
harz /ˈhars/
- Furm ar verb herzel e trede gour unan an amzer-vremañ, en doare-disklêriañ.
- Netra ne harz ouzhin pa vez droug ennon : me a ziskar ar gwez er c’hoadoù, a dorr gwern al listri, me a laka ar mor da lammat betek an neñv. — (G. MILIN, Gwechall-goz e oa..., Kemper, 1924, p. 73.)
- Furm ar verb herzel en eil gour unan an doare-gourc'hemenn.