aotrou

Gwelet ivez : Aotrou

Brezhoneg

Etimologiezh

hBr altro « tad-mager » → krBr aotrou.

Da geñveriañ gant ar gerioù athro « kelenner » e kembraeg, altrow « leztad » e kerneveureg hag altru « tad-mager » en heniverzhoneg.

Dont a ra eus ar ger keltiek *altr-awon- « tad-mager », savet diwar *al-o- « magañ » hag *awon-, miret evel halañ, hal hag eontr a-getep.

Anv-kadarn

	gourel	benel
unander	aotrou	itron
liester	aotrounez	itronezed

aotrou /ˈɔ.tru/ gourel (liester : aotrouien, aotrounez)

1. pa gomzer ouzh un den: ⊟ Termenadur da glokaat (Ouzhpennañ)
   • Salokras, aotrou, trugarez, N’veritan ket an enor-se. — (Fañch an Uhel, Soniou Breiz-Izel 1, Pariz, 1890, 1971, p. 178.)
   • Ma, aotrou person, eme Janed. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 242.)
2. pa gomzer eus un den
   • Ato, Itron, na mar kredfen Doganiñ an aotrou hen grafen. — (Fañch an Uhel, Soniou Breiz-Izel 2, Pariz, 1891, 1971, p. 102.)
   • P’en doa an aotrou doganet. SBI 2/102
   • An hini a gignfe kroc’hen an aotrou a dapfe kerkent pemp tenn pistolenn en e empenn — (Ivon Krog, Eur Zac'had Marvailhou, Buhez Breiz, Kemper, 1924, p. 34.)
   • ... e teuas ur beleg da welout an aotrou person. — (Yann ar Floc'h, Koñchennou eus Bro ar Stêr Aon, Levrdi Le Dault, Kemper, 1950, p. 242.)
3. un aotrou bras ⊟ Termenadur da glokaat (Ouzhpennañ)
   • Kerlaban. — [...] ! Na pebez aotrou bras e tle beza hennez, er memes tra !
     Kenta medesin (da Herve). — Ober a raimp d'an aotrou evel m'eo dleet hag hervez hor gouiziegez. — (Yann-Vari Perrot, An Aotrou Kerlaban Pez farsus e 3 Arvest, Brest, 1922, p. 18.)
4. perc'henn an douar pe an ti ma'z eus un den all o chom
   • Fañch Kermoal a oa nec'het-mat da c'houzout penaos e paeje e aotrou. — (Fañch an Uhel, Kontadennoù ar Bobl/5, Al Liamm, 1994, p. 172.)
   • E aotrou a c'hourdrouze gwerzhañ e holl draoù dre ma ne baee ket. — (Fañch an Uhel, Kontadennoù ar Bobl/5, Al Liamm, 1994, p. 172.)

Gerioù kevrennek

• krakaotrou

Deveradoù

• aotrouniach
• aotrouniezh

Troioù-lavar

• paeañ e aotrou : kac'hat

Troidigezhioù

• spagnoleg : señor ^(es)  gourel