-ien

Brezhoneg

Etimologiezh

Kar eo d'an dibennoù-ger -ion e kembraeg ha -yon e kerneveureg.

Dibenn-ger

-ien /jɛn/

Dibenn-ger a dalvez da sevel furm lies reizh anvioù-kadarn gourel 'zo a denn d'an dud.
1. An holl anvioù-kadarn gourel a denn d'an dud savet gant al lostger « -er ».
  - « butuner » « -ien » : « butunerien »
  - « lenner » « -ien » : « lennerien »
2. An holl anvioù-kadarn gourel a denn d'an dud savet gant al lostger « -our ».
  - « marc'hadour » « -ien » : « marc'hadourien »
  - « brezelour » « -ien » : « brezelourien »
3. An holl anvioù-kadarn gourel a denn d'an dud savet gant al lostger « -eg » (gant fatadur ar « g ») ; heñvel dra a c'hoarvez gant ar ger « gwenneg ».
  - « amezeg » « -ien » : « amezeien »
  - « beleg » « -ien » : « beleien »
  - « genaoueg » « -ien » : « genaoueien »
  - « gouizieg » « -ien » : « gouizieien »
  - « gwenneg » « -ien » : « gwenneien » avat a denn d'an traoù
  - « marc'heg » « -ien » : « marc'heien »
  - « penneg » « -ien » : « penneien »
  - « tavanteg » « -ien » : « tavanteien »
  - « tieg » « -ien » : « tieien »
4. An nebeud anvioù-kadarn gourel a denn d'an dud savet gant al lostger « -ig » deveret eus « -eg », distaget /'i:jɛn/
  - « gwenvidig » « -ien » : « gwenvidien »
  - « pinvidig » « -ien » : « pinvidien »
  - « reuzeudig » « -ien » : « reuzeudien »
  - « trevidig » « -ien » : « trevidien »
5. Un ugent bennak a anvioù-kadarn gourel all hag a denn d'an dud.
  - « aotrou » « -ien » : « aotrouien »
  - « arval » « -ien » : « arvalien »
  - « bourc'hiz » « -ien » : « bourc'hizien »
  - « bourev » « -ien » : « bourevien »
  - « bugel » « -ien » : « bugelien », hag a dalvez mesaer (gwelout bugulion);
  - « diskibl » « -ien » : « diskibien »
  - « intañv » « -ien » : « intañvien »
  - « komiz » « -ien » : « komizien »
  - « mevel » « -ien » : « mevelien »
  - « niz » « -ien » : « nizien » (e-kichen nized)
  - « ostiz » « -ien » : « ostizien »
  - « Yuzev » « -ien » : « Yuzevien »
  - A-wechoù e c'hoarvez ar gwanadur vogalennek:
  - « gwaz » « -ien » : « gwizien » (e-kichen gwazed)
  - « kalvez » « -ien » : « kilvizien »
  - « lakez » « -ien » : « lakizien »
  - « mab » « -ien » : « mibien »
  - « matezh » « -ien » : « mitizhien »
  - « pab » « -ien » : « pibien »
6. Un dousenn anvioù-gwan kemeret evel anvioù-kadarn gourel hag a denn d'an dud ivez.
  - « alvaon » « -ien » : « alvaonien » (e-kichen alvaoneien )
  - « amourouz » « -ien » : « amourouzien »
  - « brell » « -ien » : « brellien »
  - « dall » « -ien » : « dallien »
  - « diod » « -ien » : « diodien »
  - « fur » « -ien » : « furien »
  - « glep » « -ien » : « glepien »
  - « kristen » « -ien » : « kristenien »
  - « maleüruz » « -ien » : « maleüruzien »
  - « mud » « -ien » : « mudien »
  - « paour » « -ien » gant ur pebeiladur vogalennek : « peorien »
  - « sod » « -ien » : « sodien »
  - « spazh » « -ien » : « spazhien »
7. Daou anv-kadarn gourel lies hep unander: Anglizien ha Frañsizien
8. Un nebeud anvioù loened (tri anezho gant ar gwanadur vogalennek):
  - « ebeul » « -ien » : « ebeulien »
  - « kilhog » « -ien » : « kilheien »
  - « marc'h » « -ien » : « mirc'hien » (e-kichen mirc'hi)
  - « marmouz » « -ien » : « marmouzien »
  - « pendolog » « -ien » : « pendoleien » ; ar gerioù pendolog ha kilhog, en -og, a c'haller tostaat ouzh an anvioù en -ig meneget uheloc'h.
9. An anvioù kartoù da c'hoari:
  - « roue » « -ien » : « roueien » ha « rouizien »
  - « damez » « -ien » : « damizien »
  - « deg » « -ien » : « degien »
  - « nav » « -ien » : « navien »
10. Tri anv traoù:
  - « etev » « -ien » : « etivienien » (e-kichen etivi)
  - « ibil » « -ien » : « ibilien »
  - « skaf » « -ien » : « skefien »

Stummoù rannyezhel

Ar stumm « -ion » a vez implijet e rannyezh Gwened hag er skridoù a zouj da reolennoù an doare-skrivañ peurunvan.