Steuñv Vigipirate

Steuñv Vigipirate (galleg: Plan Vigipirate) a zo ur steuñv savet e bro C'hall a-benn talañ ouzh ar sponterezh. Ar steuñv a zo unan peurbad e bro C'hall hag en estren-vro war pep tachenn eus ar vuhez foran (Dezougen tud, yec'hed, ar boued, Hentoù an energiezh, surentez ar rouedadoù kelaouiñ…).

Ar pal a zo lakaat asambles holl izili an nasion da labourat en ur evezhiañ, sikour da zifenn ar vro a-enep ar sponterien: ar Stad, ar geodedourien.

D'an 8 a viz Genver 2015, ar steuñv Vigipirate a oa bet lakaet el live « diwall gwalldaol » e Pariz, dre urzhioù ar pennmaodiern gall Manuel Valls. Abaoe Genver 2015, ez eus bet ouzhpennet un oberiadur difennerezh d'ar Steuñv Vigipirate gant ar soudarded. Graet e vez Opération Sentinelle anezhi.

Stad a reuziad : d'an 19 a viz Du 2015 e oa bet votet astenn ar stad a reuziad bet embannet gant ur C'huzul maodierned dreistordinal e-pad an nozvezh eus an 13 d'ar 14 a viz Du da heul gwalldaolioù an 13 a viz Du 2015 e Pariz^[1].

Enebadurioù

Enebadurioù a zo savet a-enep ar steuñv vigipirate div mammenn a zo.

Enebadurioù a-berzh an nerzhioù engouestlet

Dre ma z'eo d'an uhelañ live ar steuñv vigipirate ha war un dermenn difin ez a war skuishaat an nerzhioù engouestlet^[2].:

Difennet ez eo outo kemer devezhioù diskuizhañ
Ar gedoù a c'hell padout dek eurvezh diouzh renk^[3]
Re nebeut a dud a zo evit difenn an holl lec'hioù da vezañ evezhiet kement hag evit harzoù ar vro^[4].
Skuizh ez eo an nerzhioù difenn dre ar choaz graet evito d'o lakaat d'ur ged difiñv e-ser ober gedoù lusket.

Enebadurioù a-berzh keodedourien

Perak kaout ur steuñv gant liveoù disheñvel pa chom d'an uhelañ ha difin?
Nerzhioù al lu a vez kemmesket muioc'h-mui gant nerzhioù difenn ar pemdez
Milouradur ar gevredigezh

Notennomù ha daveennoù

[1] Lec'hienn Bodadeg Vroadel Bro-C'hall

[2] 2/03/2015 Lec'hienn La Croix: Ar steuñv vigipirate difin o tiviañ an nerzhioù difenn (fr)

[3] 07/05/2015 Lec'hienn Rfi.fr - Steuñv Vigipirate: ar skuizhder o tapout nerzhioù an urzh (fr)

[4] 2/12/2015 Lec'hienn Rtl.fr: Sindikadoù ar valtouterien heuget gant "tro-kamm" François Hollande (fr)

[1]

[2]

[3]

[4]