Reniom
Wolfram – Reniom – Osmiom | ||||
| ||||
Perzhioù hollek | ||||
Niver atomek | 75 | |||
Rummad kimiek | Metaloù ardreuzat | |||
Strollad | 7 | |||
Trovezh | 6 | |||
Bloc'h | d | |||
Tolz atomek | 186,207 | |||
Aozadur elektronek | ||||
[Xe] 4f14 5d5 6s2 Dasparzh an elektronoù : 2, 8, 18, 32, 13, 2 | ||||
![]() | ||||
Perzhioù atomek | ||||
Niver oksidadur | 7 Oksidenn drenkek skañv | |||
Tredanleiegezh | 1,9 (Skeul Linus Pauling) | |||
Gremmoù ionadur | 1 : 755,819 kJ/mol 2 : 1 260 kJ/mol 3 : 2 510 kJ/mol | |||
Skin atomek | 216 pm | |||
Skin kenamsav | 141 pm | |||
Skin Van der Vaals | (stlenn ebet) | |||
Perzhioù fizikel | ||||
Arvez | Kaled | |||
Douester (≈20 °C) | 21,023 g/cm3 | |||
Teuzverk | 3 185 °C | |||
Bervverk | 5 590 °C | |||
Tredanharzusted | 193 nΩ•m (e 20 °C) | |||
Neuz an elfenn | ||||
![]() | ||||
![]() |
Un elfenn gimiek eo ar reniom ; Re eo e arouez kimiek, 75 e niver atomek ha 186,207 e dolz atomek.
Ur metal ardreuzat eo.
Istor
[kemmañ | kemmañ ar vammenn]Div elfenn a vanke e strollad 7 taolenn beriodek an elfennoù, dindan 25Mn. Pa oa o klask stankañ an toull kentañ e kavas ar Japanad Masataka Ogawa un elfenn dianav en un tamm kailh o tont eus Selan (Sri Lanka bremañ), ha krediñ a reas dezhañ e oa an elfenn 43. E 1937 hepken e voe anavezet evel 43Tc, hag e 2004 e voe prouet ez eo ar reniom a oa bet dizoloet gant Masataka Ogawa.
E 1925 e voe kavet an elfenn 75 da vat gant Walter Noddack, Ida Tacke hag Otto Berg e Berlin, ha Rhenium eo an anv a voe roet dezhi en enor d'ar sêr Roen. E 1928 e teujont a-benn da dennañ 1 gramm reniom eus 660 000 gramm kailh molibdenit[1].
Ar reniom eo an diwezhañ elfenn naturel, stabil ha nann-skinoberiek a zo bet dizoloet[2].
Perzhioù
[kemmañ | kemmañ ar vammenn]Unan eus an elfennoù dibaotañ war an douar eo ar reniom. Ur metal liv an arc'hant eo, uhel-kenañ e deuzverk (3 185 °C) — an trede elfenn er c'heñver-se goude ar wolfram 74W (3 422 °C) hag ar c'harbon 6C (3 825 °C). An elfenn gentañ eo a-fed bevverk (5 590 °C), ar wolfram o virviñ da 5 555 °C hag ar c'harbon o sec'hdarzhañ, da lavaret eo o vont a galed da c'haz hep tremen dre ar stad dourek.
Kalet-kenañ eo ar reniom, er pevare renk goude ar platin 78Pt, an iridiom 77Ir hag an osmiom 76Os. Pa vez disgweret avat e teu da vezañ orjalennus-kenañ, da lavaret eo e c'haller e astenn hep na dorrfe.
Kimiek
[kemmañ | kemmañ ar vammenn]Damheñvel ouzh re ar wolfram ha re ar molibden eo perzhioù kimiek ar reniom.
Izotopoù
[kemmañ | kemmañ ar vammenn]Reniom-185 (185Re) eo an izotop stabilañ, padal n'eo nemet 37,4% eus ar reniom a gaver en natur. An izotop all, 187Re eo an 62,6% a chom ; distabil eo, hogen hir-tre eo e hanter-vuhez, a zo war-dro 1010 a vloavezhioù.
Kenderc'hadur
[kemmañ | kemmañ ar vammenn]Diwar kailhoù kouevr e tenner reniom ; etre 0,0001 ha 0,2% a reniom a gaver ivez e kailhoù molibden[3].
Orin | Kementad (t) | Pourvezioù (t) |
---|---|---|
Chile | 26 | 1 300 |
Stadoù-Unanet Amerika | 6,3 | 390 |
Perou | 5 | 45 |
Polonia | 4,7 | (stlenn ebet) |
Kazakhstan | 3 | 190 |
Broioù all | 1,5 | 91 |
Kanada | 1,2 | 32 |
Armenia | 0,6 | 95 |
Rusia | 0,5 | 310 |
Hollad | 48,8 t | > 2453 t |
Arver
[kemmañ | kemmañ ar vammenn]- War-dro 20% eus ar reniom a ya da fardañ dazgweredoù evit greanterezh an eoul-maen (kenderc'hañ dour-tan hep plom), 70% evit kreñvaat deistkenaozadoù fardet gant nikel, a vez arveret e kefluskerioù a rank labourat da wrezverkoù uhel (> 1 000 °C).[4]
War meur a zachenn ez implijer an 10% a chom :
- • kimiezh : kleuzeurioù (endalc'hoù arveret da dommañ danvezioù) ;
- • elektronik : ledreelloù ;
- • fizik : korzennoù ha palioù elektronek, skalfadlunerioù, gwrezdaouadoù, korzennoù ec'haezhel, sontoù-gwrezverk, jaojoù ionder ;
- • tredanerezh : kenstokoù, gwarelloù-tredan, gwiskadoù metalek ;
Notennoù
[kemmañ | kemmañ ar vammenn]- ↑ NODDACK J. & W., Die Herstellung von einem Gramm Rhenium, Zeitschrift für anorganische und allgemeine Chemie, Vol. 183, n°1, 26/10/1929, pp. 353-375 [1] (de) Liamm oberiant 04 KZU 12
- ↑ Royal Society of Chemistry (en) Liamm oberiant04 KZU 12
- ↑ ROUSCHIAS George, Recent advances in the chemistry of rhenium, 1974, American Chemical Society Liamm oberiant 03 KZU 2012
- ↑ 4,0 ha4,1 USGS United States Geological Survey (en) Liamm oberiant 03 KZU 2012
Daveennoù
[kemmañ | kemmañ ar vammenn]- American Chemical Society (en) Liamm oberiant 25 DU 12
- AN NOALLEG Yann-Baol, Geriadur ar Gimiezh, Preder, Plomelin, 2008 ISBN 978-2-901383-69-7 Preder
- AN NOALLEG Yann-Baol, Geriadur ar Fizik, Preder, Plomelin, 2006 ISBN 978-2-901383-64-2
- Annales de chimie et de physique, Gallica / Bibliothèque nationale de France (fr) Liamm oberiant 26 HER 12
- Atomic weights of the elements 2007 (IUPAC Technical Report) Pure an Applied Chemistry (en) Liamm oberiant 26 HER 12
- Atomic Weights and Isotopic Compositions for All Elements National Institute of Standards and Technology (en) Liamm oberiant 18 HER 12
- Bureau de Recherche Géologique et Minière (BRGM) (fr) Liamm oberiant 26 HER 12
- CONSIDINE Glenn D., Van Nostrand's Encyclopedia of Chemistry, Wiley-Interscience, 2005 ISBN 978-0-471-61525-5 (en)
- DEPOVERE Paul, La classification périodique des éléments — La merveille fondamentale de l'Univers, De Boeck, Brussels, Belgia, 2002 ISBN 978-2-8041-4107-3 (fr)
- EMSLEY John, Nature's Building Blocks — An A-Z Guide to the Elements, Oxford University Press, 2001 ISBN 978-0-19-850341-5 (en)
- Geriadur brezhoneg An Here, Plougastell-Daoulaz, 2001 ISBN 978-2-86843-236-0
- ÉTIENNE Guy, Geriadur ar Stlenneg, Preder, 1996 ISBN 978-2-901383-14-7
- HOLDEN Norman, History of the Origin of the Chemical elements and Their Discoverers, New York, 2001 Brookhaven National Laboratory (en) Liamm oberiant 26 HER 12
- International Union of Pure and Applied Chemistry (IUPAC) (en) Liamm oberiant 26 HER 12
- Joint Institute for Nuclear Research (ОИЯИ e Dubna) (en) Liamm oberiant 25 DU 2012
- LIDE David R., CRC Handbook of Chemistry and Physics - 88th Edition, CRC Press, 2007 ISBN 978-0-8493-0488-0 (en)
- National Nuclear Data Center (en) Liamm oberiant 09 KZU 12
- Royal Society of Chemistry (en) Liamm oberiant 03 KZU 2012
- STWERTKA Albert, A Guide to the Elements, Oxford University Press, 1996 ISBN 978-0-19-508083-4 (en)
- Webelements (en) Liamm oberiant 26 HER 2012
Kimiezh | Elfennoù kimiek |
---|
Rolloù hervez an arouez ~ hervez an anv •
Taolenn beriodek |