Maskaradenn

Ar vaskaradenn (pe maskeladenn) a oa un doare arvest lez a oa en e vleuñv en Europa ar c'hwezekvet hag eus deroù ar seitekvet kantved, daoust dezhañ da vezañ diwanet abretoc'h en Italia. Kavout a raed enni war un dro musik ha dañs, kan ha c'hoariva, hag ur c'hinkladur leurenn danzeet a-ratozh, ma c'halle ar frammoù tisavouriezh hag an dilhad bezañ treset gant un tisavour brudet, evit diskouez ur barabolenn doujus d'ar patrom. Aktourien a vicher ha sonerien a veze gopret evit lodenn ar c'hoari hag ar sonerezh er maskaladennoù. Alies, an dud masklet na gomzent ket ha na ganent ket a oa tud-a-lez : Jakez Iañ, pried Anne Danmark, a zañse alies gant hec'h intronezed masklet etre 1603 ha 1611, ha Herri VIII ha Charlez Iañ a c'hoarias er maskaladennoù en o lez. Hervez hengoun ar maskaladennoù e tañsas Loeiz XIV e barrezioù e Versailhez war tonioù savet gant Lully.