HK G3
| Heckler & Koch HK G3 | |
|---|---|
 Un Heckler & Koch HK G3A4 (en nec'h) hag HK G3A3 (en traoñ) | |
| Kinnig | |
| Bro |  Alamagn
|
| Mont en-dro | Fuzuilh-emgann aotomatek / damaotomatek |
| Munisionoù | 7,62 × 51 mm NATO |
| Produer | Heckler & Koch |
| Mare produiñ | 1959 - 2001 |
| Mare implij | Abaoe 1960 |
| Pouez ha muzulioù | |
| Mas (hep kartouchenn) | 4,400 kg - 4,700 kg hervez an adstummoù |
| Mas (karget) | 5,200 kg - 5,500 kg hervez an adstummoù |
| Hirder | 1.025 mm |
| Hirder ar c'hanol | 450 mm |
| Perzhioù all | |
| Hed-tenn pleustrek | 600 m |
| Lusk-tennañ | 600 tenn/mn |
| Tizh mont e-maez ar boledoù | 920 m/s |
| Endalc'h | 5, 10, 20, 30 pe 40 kartouchenn (karger-fiñv eeun) ; 50 pe 100 kartouchenn (karger-fiñv ront) |
An HK G3 (pe Heckler & Koch G3 e stumm hir) zo ur fuzuilh-emgann produet eus 1951 betek 2001 gant an embregerezh alaman Heckler & Koch.
Istor
[kemmañ | kemmañ ar vammenn]E dibenn an Eil Brezel-bed e oa bet savet ur stumm nevez d'ar fuzuilh-arsailh Sturmgewehr 44 gant an ijinour alaman Ludwig Vorgrimler, Gerät 06H e anv. Goude ar brezel e voe rediet Vorgrimler da labourat evit Bro-C'hall er CEAM (Mülhausen, Elzas). Kinnig a reas ar CEAM 50, un arm deveret eus ar Gerät 06H, met ne voe ket degemeret gant an arme c'hall ha kaset e voe an ijinour da labourat er CETME spagnolat, dindan ren Werner Heyen, bet e penn rann an armoù aotomatek e Ministrerezh Armoù an Trede Reich. D'ar mare-se e felle d'an dikatour Francisco Franco adsevel ul lodenn eus industriezh armoù ar renad nazi en e vro.[1]
E miz Kerzu 1950 e kinnigas Vorgrimler ar fuzuilh-arsailh CETME Modelo 2, deveret eus an Stg 44 hag eus ar CEAM 50. Abalamour da live uhel an teknologiezhioù ret evit sevel anezhi ha da wander e industriezh, ne voulc'has ket Spagn gant produiñ an arm. Alamagn ar C'hornôg a ziskouezas interest evit ar Modelo 2 un nebeud bloavezhioù goude evit pourvezañ ar Bundesgrenzschutz (savet e 1951) hag ar Bundeswehr (krouet e 1955). Savet e voe neuze un emglev gant an embregerezh yaouank Heckler & Koch evit produiñ an arm dindan an anv G3. Ar produer Rheinmetall a dapas ivez ur gevrat evit produiñ pezhioù zo eus ar fuzuilh.
Kambret e voe ar G3 gant kalibr standard AFNA 7,62 x 51 mm ijinet e 1954. Meur a adstumm a zo bet savet eus an HK G3 abaoe 1960. Armoù all a zo deveret anezhañ, evel an HK 33, e stumm 5,56 x 45 mm. An HK 33 en deus awenet d'e dro an HK G41, an HK G36 ha diwezhatoc'h an HK 416.
Stummoù all
[kemmañ | kemmañ ar vammenn]An HK G3/SG1 zo ur stumm fuzuilh-resisted eus an HK G3.
Implijerien
[kemmañ | kemmañ ar vammenn]Berzh he deus graet buan an HK G3 adalek ar bloavezhioù 1960. E-touez ar fuzuilhoù-emgann brudetañ er bed emañ. Ouzhpenn 80 stad o deus implijet anezhi, en o zouez Bro-C'hall, Italia, Stadoù-Unanet Amerika, Iran, Kolombia, ha Turkia.
Liammoù diavaez
[kemmañ | kemmañ ar vammenn]- Kinnig an HK G3 hag e istor war ar chadenn Poudre et acier (fr) (embannet d'an 03/02/2022)
Daveennoù
[kemmañ | kemmañ ar vammenn]- ↑ (fr) LARRIBÈRE Christophe, Le Heckler und Koch G3, héritier du IIIè Reich, né en Europe : un succès mondial e Sciences et Vie Guerres & Histoire n°56, miz Eost 2020, p. 72-73
