Disheolier

Un disheolier zo ur benveg da zisheoliañ an dud, da reiñ dezho disheol, dezho da c'hallout chom er-maez hep gouzañv nerzh an heol.

Penaos eo

Tennañ a ra d'an disglavier un tamm, met kalz brasoc'h e vez peurliesañ. Evel an disglavier e ra evel un tamm toenn a-us d'ar pennoù, gant un tamm danvez stegnet d'ober disheol. Pa ne vez ket tev a-walc'h e c'haller santout an tommder a-dreuz an disheolier evelkent.

A bep seurt disheolieroù zo: ar re vihan a vez douget gant an dud, hag ar re vrasoc'h, kalz ponneroc'h, hag a vez lakaet e-kichen taolioù ha kadorioù, da zebriñ er-maez, pe e-kichen kadorioù-hir, d'an dud da c'hourvez a-wechoù.

Disheoliañ pinvidien

E kevredigezhioù zo e weler tud pinvidik gant mevelien o terc'hel disheolieroù dreist o fenn.

En Europa ar XVIIvet kantved e veze morianed yaouank, sklaved e gwirionez, e tiegezhioù zo o terc'hel an disheolier a-us da bennoù maouezed an tiegezhioù pinvidik.

En aod

Plijout a ra d'an hañvourien astenn en heol met pa vez re greñv nerzh an heol e plij dezho kavout un tamm disheol dindan un disheolier. A-wechoù e nij kuit an disheolier gant an avel.

Arouez

Arouez ar rouaned e oa an disheolier gwenn e Gevredazia . E welout a c'haller war ardamezioù Kambodia, ha re Laos a-raok 1975.

Liammoù

Commons

Muioc'h a restroù diwar-benn

Disheolieroù

a vo kavet e Wikimedia Commons.

Taolennoù

Ar roue pers Xerxes dindan un disheolier, e Persepolis.
Michelangelo o tiskouez patromig Iliz Sant Pêr da Jul II. Livadur gant Domenico Cresti. Firenze. Ar pab Jul II a ouie ober gant un disglavier ivez.
Pourmenadenn ar Sul, gant Carl Spitzweg, 1841
Camille Monet hag he mab Jean, gant Claude Monet.
Maouez el liorzh, gant Claude Monet.
Pupli, gant Claude Monet.
Poltred an Dimezell Valtesse de la Bigne, gant Henri Gervex
Itron he disheolier, gant Hamilton Hamilton.
Baleadenn-veure, gant John Singer Sargent