Alan

Alan zo un anv-badez brezhonek ha saoznek.

Orin

Hervez Ferdinand Lot e c'hallfe dont eus an anv latin Alanus, a veze graet eus un den eus pobl an Alaned, pa oa bet degaset soudarded eus ar bobl-se, a oa o chom e kostez Iran war-dro deroù ar V^vet kantved, da ziwall ar stêr Liger e-kichen Brezhoned deuet eus Enez Vreizh^[1].
Diaes eo krediñ e teufe an anv-se eus an darempred etre Alaned ha Bretoned hepken, eme Léon Fleuriot^[2]. Dont a ra moarvat eus ur ger keltiek kozh a gaver roudoù anezhañ en henvrezhoneg, e brezhoneg, en hengembraeg, e kembraeg, en heniwerzhoneg evit envel ul loen gell-rous e vlevenn.

Kavet e vez o talvezout "menn-karv" e Canu Aneirin, B2.28, linenn 1125 : "gnaut i-lluru alan buan bithei", "boas e oa da vezañ mibin evel ur menn-karv"^[3].

Degaset e voe an anv-se da Vro-Saoz gant Bretoned o doa kemeret perzh en aloubadeg ar vro-hont da heul Gwilherm an Alouber en XI^vet kantved.

Sant Alan, a oa kembreat a orin, zo bet pevare eskob Kemper er VI^vet kantved ; un Alan ivez, a hevelep hini marteze, zo bet sant paeron Korle. Daou briñs breton zo bet anvet Alan : Alan Iañ a voe roue Breizh adalek 890 betek e varv e 907 hag Alan II (910–952) a voe kentañ dug Breizh adalek 936 betek e varv^[4]^,^[5].

E brezhoneg

- Berrstummoù : Lan, Lanig.
Evit ar merc'hed: Alana, Alanez.
- Berrstummoù: Naig, Nezig.

E yezhoù all

Alanus e latin
Alain e galleg
Alan pe Allan, pe Allen e saozneg
Alan e poloneg ha slovakeg
Alano, en italianeg
Ailin, Alani, en iwerzhoneg

Tud

Aostralia

Alan Jones (g. e 1946), blenier-kirri

Breizh

Un anv kozh eo e Breizh, stankoc'h e Kerne, dre abegoù istorel. Anavezet eo an anvioù-tiegezh Allanig, Alanou, Allano, Alleno hag Abalan.

Krennamzer

Sant Alan (war-dro ar VI^vet pe VII^vet kantved), eskob Kemper, lidet d'ar 27 a viz Kerzu.
Ar gwenvidig Alan ar Roc'h, pe Alanus de Rupe, er XV^vet kantved, lidet d'an 9 a viz Gwengolo a oa breizhat marteze.
Alan Iañ (marvet e 907), roue Breizh
Alan II (910-952), kentañ dug Breizh
Alan III, seizhvet dug Breizh
Alan IV (c. 1060-1119) lesanvet Alan Fergant, dekvet dug Breizh
Alan Breizh, kont Naoned
Alan Kenarzh, kont Kerne (†1058)
Alan ar Rouz (1040-1093), kont Richmond
Alan Pentevr, pe Alan an Du (1100-1146), kont Richmond
Alan IX Roc'han, denjentil.

XIX^vet kantved

Alan Dumoulin, beleg ha yezhadurour
Lan Inizan (1826-1891), beleg ha skrivagner, oberour ar c'hentañ romant e brezhoneg

XX^vet kantved

Alan-Gwenog Berr (1913-1974), yezhoniour
Alan Botrel, barzh, ha kelenner brezhonek
Alan Dipode, treser, skrivagner ha troer brezhonek
Alan an Diuzet (1900-1991), skrivagner ha troour brezhonek
Alan ar Gov (1881-1926), beleg, skrivagner ha saver pezhioù-c'hoari brezhonek
Alan Heusaff, yezhoniour, geriadurour, kazetenner hag emsaver breizhat
Alan Kervern, skrivagner brezhonek
Alan Louarn, broadelour breizhat
Alan Simon, soner ha skrivagner
Alan Stivell, telenner ha kaner brezhonek
Lan Tangi (1951), barzh, bet kelenner brezhoneg e Roudour, breur da Vernez Tangi.

XXI^vet kantved

Alan Martel, skrivagner ha troer brezhonek

Bro-Saoz

Alan Bates, aktour
Alan Bennett, skrivagner saoznek
Allan Octavian Hume (1829-1912), louzawour hag evnoniour
Alan of Lynn (war-dro 1348 – war-lerc'h 1423), doueoniour
Alan Moore (g. e 1953), senarioour bannoù-treset
Alan Price, bet ograouer gant The Animals, a-raok krouiñ Alan Price Set
Alan Rickman (1946), aktour
Alan Shearer, melldroader brudet e Newcastle United
Alan Sillitoe, skrivagner
Alan Turing, matematikour

Bro-C'hall

Allan Kardec : anv-pluenn ar gall Hippolyte Léon Denizard Rivail, "reizher ar speredouriezh", brudet mat e Brazil. Gouez dezhañ e vije bet e anv dezhañ pa oa drouiz e Galia.

Kembre

Alan Llwyd, barzh, skridvarnour hag embanner

Perou

Alan García Pérez, prezidant ar vro

Republik Pobl Sina

Alan, pe Alan Dawazhuoma, ganet en 1987, kanerez sinaat a orin tibetat.

Stadoù-Unanet

Allan Pinkerton (1819-1884), igounier
Allan Ginsberg, barzh beatnik
Alan Greenspan, armerzhour
Alan J. Pakula, filmaozer
Edgar Allan Poe, skrivagner
Alan Shepard (1923-1998), astraer
Alan Silvestri, sonaozour

Zeland-Nevez

Alan Duff, skrivagner

Loened

Daou loen zo anvet Alan pe Alanig e brezhoneg : al louarn, met Alanig a vez graet anezhañ kentoc'h, hag Alanig kof ruz a vez graet eus ar boc'hruz war-dro Landreger.

Krennlavar

Ar broc'h a doull an douar / Hag Alanig a grog er yar.

Lennegezh

Alanik al Louarn, gant Yann-Vari Perrot
Troiou-kamm Alanig al Louarn gant Jakez Riou

Lec'hanvadurezh

Alan (Haute-Garonne), ur gumun e rannvro Okitania ; enni emañ La Vache d'Alan, lesanv palez eskibien Comminges.
Alan, ur gêriadenn e Tatarstan, e Kevredad Rusia.
Alan, ur lec'h en Emirelezhioù Arab Unanet.

Liammoù diavaez

Sant Alan

Pennadoù kar

Notennoù

↑ Alain Stéphan, Tous les prénoms celtiques, Éditions Jean-Paul Gisserot - Collection Terre des Celtes, 1999 (ISBN 978-2-87747-395-8)
↑ Léon Fleuriot, Les origines de la Bretagne : l'émigration, Payot, 1980, p. 204 (ISBN 978-2-228-12710-3)
↑ John T. Koch, The Gododdin of Aneirin: Text and Context from Dark-Age North Britain, Celtic Studies Publications, 1997, p. 9 (ISBN 978-0-7083-1374-9)
↑ Albert Deshayes : Dictionnaire des noms de famille bretons, Le Chasse-Marée–ArMen, 1995, p. 86 (ISBN 978-2-903708-61-0)
↑ Gwennole ar Menn, Grand choix de prénoms bretons, Coop Breizh, 1990, p. 15 (ISBN 978-2-909924-01-4)

[1] Alain Stéphan, Tous les prénoms celtiques, Éditions Jean-Paul Gisserot - Collection Terre des Celtes, 1999 (ISBN 978-2-87747-395-8)

[2] Léon Fleuriot, Les origines de la Bretagne : l'émigration, Payot, 1980, p. 204 (ISBN 978-2-228-12710-3)

[3] John T. Koch, The Gododdin of Aneirin: Text and Context from Dark-Age North Britain, Celtic Studies Publications, 1997, p. 9 (ISBN 978-0-7083-1374-9)

[4] Albert Deshayes : Dictionnaire des noms de famille bretons, Le Chasse-Marée–ArMen, 1995, p. 86 (ISBN 978-2-903708-61-0)

[5] Gwennole ar Menn, Grand choix de prénoms bretons, Coop Breizh, 1990, p. 15 (ISBN 978-2-909924-01-4)

[1]

[2]

[3]

[4]

[5]