Aerborzh etrebroadel Brest-Breizh

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Aerborzh etrebroadel Brest-Breizh

Emañ aerborzh etrebroadel Brest-Breizh (kod AITA : BES ; kod OACI : LFRB) war gumun Gwipavaz e Biz Brest. E 2013 e voe 1 003 086 a veajourien o tremen drezañ. Perc'hennet eo gant Rannvro Breizh ha meret gant Kambr Kenwerzh ha Greanterezh Brest.

Kammedoù kentañ an nijerezh e Brest

Abred e krogas Istor an nijerezh e Brest. E kreiz an XIX^vet kantved e reas ar vreudeur Le Temple arnodoù evit lakaat ur ardivink da nijal, tra ma reas heñvel Jean-Marie Le Bris war-dro 1856 ha 1860 e Douarnenez hag e Plonevez-Porzhe.
Hemañ a reas arnodoù e Brest war Boligon ar Morlu war-dro 1867.
E 1913 e nijas Saint-Pol-Roux gant e nijerez a-us da lenn-vor Vrest. E 1914 e tibradas ar c'homandant Maurice Challe eus Brest evit mont da bradañ e Pariz ha distreiñ da Vrest e-bourzh un nijerez Farman.

Gwelout ar reked kriz hag an daveoù war Wikidata.

Nijva stadunanat e 1917

E 1917 e savas al Lu stadunanat daou sanailh evit goudoriñ aerlistri war blateiz Lanruz e Gwipavaz. Implij a raent ledennad dour Lanninon evit o nijerezioù-neuñv.

Nijva evit an nijerezioù bihan

War-dro 1930 e roas ar gouarnamant gall un aotre da implij an nijva evit nijerezioù bihan.

Aerborzh Brest-Gwipavaz

E 1937 e oe krouet aerborzh Brest-Gwipavaz dindan meradur da gortoz Kambr Kenwerzh ha Greanterezh Brest.

Nijva brezel evit an Alamaned

Ur strollad nijerezioù chaseal a voe staliet gant an aerlu alaman. E 1945 e oe distrujet an dachenn-dibradañ.

Aerborzh bihan evit ar varc'hadourezh

Goude ar brezel, n'eus ket mui a linennoù evit ar veajourien. Un nebeud marc'hadourezhioù gounezerezhel a zo kaset da Vreizh-Veur.

Aerlinenn war-du Enez-Eusa

E 1995 eo voe roet lañs d'ul linenn evit kas tud ha marc'hadourezh da Enez-Eusa gant ar Compagnie bretonne aéronautique.

Aerlinenn veaj da Bariz

E 1961 e oe digoret ul aerlinenn veaj etre Brest ha Pariz gant Air Inter.

Labourioù evit gwellaat hag astenn an aerborzh

• Savadur an tour-kontrolliñ kentañ
• 1986 - Aerogar nevez
• 1992 - Hiraet eo bet an dachenn-dibradañ da 3 100 m
• 1993 - Parklec'h evit ar fret
• 1998 - Astenn an aerogar
• 2000 Tour-kontrolliñ nevez
• Diwezh 2007 - Digoradur an aerogar nevez (20 000 m², gorread lieskementet 4 gwech)

Aveadurioù

• 2 leurenn bradañ ha dibradañ, 3 100 m hed
• Aergar gant 2 dreuzell
• Wifi digoust
• Letioù
• Stalioù-kenwerzh

Linennoù

12 termen-beaj war-eeun er C'hwec'hkorn hag en DOM-TOM

Pariz Orly (pemdeziek) Pariz Roissy (pemdeziek) Enez-Eusa (pemdeziek) Bourdel (pemdeziek) Naoned Lyon

Marsilha Aiacciu Nisa Toulon Toloza Pointe-à-Pitre

24 zermen-beaj da vaez-bro war-eeun

Southampton Londrez Luton Exeter Birmingham Manchester Budapest Praha Palermo

Aten Pula Split Dubrovnik Eivissa Palma-de-Mallorca Moskva Sankt-Peterbourg

Varna Agadir Marrakech Djerba Monastir Antalya Dakar Teneriffe