Monako

Kepangèranan Monako
Principauté de Monaco (Prasman)
Prinçipatu de Mu̍negu (Monègasken)
Principato di Monaco (Itali)

Ibu negeri

Monako

Nama pengendek

Monako
Monègas
Monègasken

Monako (hurup Arab Gundul: موناكو; basa Prasman: Monaco; basa Monègasken: Mu̍negu) atawa resminya Kepangèranan Monako (hurup Arab Gundul: کفڠيرانن موناکو; basa Prasman: Principauté de Monaco; basa Monègasken: Prinçipatu de Mu̍negu) entu negara kedua paling kecit di antéro dunia abisnya Watikan. Cuming ada 39.000 orangan nyang tinggal di mari. Ni negara – deket ama Prasman belah kidul-wètan, di lingir Laot Tenga di Èropa Kulon. Basa resminya èn basa nyang paling umum dipaké cuman basa Prasman. Cuman, basa Monako atawa basa Monègasken entu juga' diajarin dah tu di mana-mana sekolahan sebagé pelajaran wajib èn juga' ada status resminya. Dia punya hopstat^[1] ada nama Monako Kota. Adapun orang Monako bisa disebut sebagé orang Monako (hurup Arab Gundul: اورڠ موناکو) atawa orang Monègas (hurup Arab Gundul: اورڠ مونيݢس) atawa orang Monègasken (hurup Arab Gundul: اورڠ مونيݢسکن).

Bendèra Monako medu pisan ama Indonésia punya bendèra, cuman nyang ngebèdain–sala atunya–entu dia punya perbandingan lèbar-tingginya.

Pangèran Daulat Monako, nyang jadi hop negara, entu Pangèran Albèrt II, nyang dia punya kulawarga udah ngebestir^[2] semprakan tahon 1297. Guwernemèn ama pangèran sama-sama pada dedumanan kuasa. Sebagé lagi, orang-orang Monègasken ora bayar belasting^[3].

Ruju'an

↑ Hopstat (hurup Arab Gundul: هوفستت) – ibukota (Indo.); capital (Ing.); hoofdstad (Wld.).
↑ Bestir (hurup Arab Gundul: بستير) – pemerintah, administrasi (Indo.); government, administration (Ing.); bestuur (Wld.).
↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Belasting (hurup Arab Gundul: بلستيڠ) – pajak (Indo.); tax (Ing.); belasting (Wld.).

[1] Hopstat (hurup Arab Gundul: هوفستت) – ibukota (Indo.); capital (Ing.); hoofdstad (Wld.).

[2] Bestir (hurup Arab Gundul: بستير) – pemerintah, administrasi (Indo.); government, administration (Ing.); bestuur (Wld.).

[3] Chaer, Abdul. (2009). Kamus Dialek Jakarta. K. Rép. Penerbit Masup Jakarta. Belasting (hurup Arab Gundul: بلستيڠ) – pajak (Indo.); tax (Ing.); belasting (Wld.).

[1]

[2]

[3]