Kompès
Kompès[1] (hurup Arab Gundul: کومفيس) atawa dedes[1] (hurup Arab Gundul: ددس) umumnya artinya entu nanya-nanya orang, baè' kelima[2], atawa kaga' bekelima, bakal dapet semacem inpormasi. Kompès biasanya dipaké ama rompokan militèr, sèrsi, ama penegak hukum di mana-mana dunia. Kadang, orang nyang dikompès entu orang nyang kesana[3] (keduga) nglakonin perbuatan jahat atawa dianggep gableg pelabi[4] bakal ngumpetin itu inpormasi. Pengompès dalem kompès kriminil ama militèr biasanya opsir nyang kelati dalem macem-macem tèhnik ngompès. Begantung pegimana dia pada ngedeleng orang nyang dikompès atawa itu kompès punya tujuan apa, cara nyang dipaké bisa aja macem-macem. Misalnya:
- Orang nyang dikompès bisa jadi saksi èn bolé bèbas seterah ngasi inpormasi.
- Orang nyang dikompès bisa jadi kesana nglakonin perbuatan jahat èn itu kompès tujuannya biar tu orang ngaku.
- Orang nyang dikompès bisa jadi bukan kesana, cuman embung ngasi inpormasi diah.
Ruju'an
[permak | permak sumber]- ↑ a b Chaer, Abdul. (2009). Kamus Dialek Jakarta. K. Rép. Penerbit Masup Jakarta.
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kelima (hurup Arab Gundul: کليمه) – formal (Indo.); formal (Ing.); formeel (Wld.).
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Nyana (hurup Arab Gundul: ڽانه) – menyangka, menduga (Indo.); to suspect (Ing.).
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Pelabi (hurup Arab Gundul: فلابى) – celah, akal, tipu daya; alesan (Indo.).