Ibnu Sina (Parsi: ابن سینا, Ibn Sīnā; 980 – Juni 1037 M), di Kulon bekènnya Avicenna,[1][2] ièlah ada atu orang serbagapa[3] Selam Parsi èn atu doktor nyang paling penting èn juga' atu pilsup Islam di dia punya jaman.
Dia nulis kurang lebi sekitaran 450 karya dalem macem-macem bidang èlmu, 240-nya masing ada ampé sekarang, masup juga' antara laèn di dalemnya ada 150 karya pilsapat èn 40-nya pasal èlmu kedoktoran.[4]
Ibnu Sina di perangko Iran
Dia punya karya paling mashur nama Kitab Pengobatan ( Arab: كتاب الشفاء, Kitāb al-syifāʾ) – satu ènsiklopédi pilsapat èn ilmiah, èn Kanun Kedoktoran (basa Arap: القانون في الطبّ, al-Qānūn fi-'l-ṭibb) – satu ènsiklopédi kedoktoran.[5]
Dia juga bekèn dengen nama Pūr Sīnā (Parsi: پور سینا, Pūr Sīnā), artinya "Anak Sina" dalem basa kitanya.[6] Adapun dia punya nama dalem basa Arap ya'entu أبو علي الحسین ابن عبدالله ابن سینا Abū ʿAlī al-Ḥusain b. ʿAbd Allāh b. Sīnā. Di basa-basa Kulon, biasa digero' Avicenna (Yunani: Aβιτζιανός, Avitzianos) nyang mengrupa'in nama penglatinannya.[7][8] Ama pengrikutnya, dia digelarin sebagé al-Syaikh al-Raʾīs 'Dedengkotnya Séh'.
↑Von Dehsen, Christian D.; Scott L. Harris (1999-10-21). Philosophers and Religious Leaders. Greenwood Press. h. 19. ISBN 978-1-57356-152-5.
↑"Serbagapa" (rek.) (hurup Arab Gundul: سرباݢاف) – istilah rèkaan baru bakal kupuan basa Betawinya bakal kata polymath (Ing.), artinya 'orang nyang serba bisa di banyak èlmu'.
↑O'Connor, John J.; Robertson, Edmund F., "Avicenna", MacTutor History of Mathematics archive, University of St Andrews.
↑Nasr, Seyyed Hossein (2007). "Avicenna". Encyclopædia Britannica Online. Diarsip deri nyang asli 31 Oktober 2007. Dipungut 11 Juni 2023.
↑Greenhill, William Alexander (1867), "Abitianus", di Smith, William (per.), Dictionary of Greek and Roman Biography and Mythology, pol. 1, h. 3, diarsip deri nyang asli 31 Désèmber 2005, dipungut 11 Juni 2023.
↑Sizgorich, Tom. "Avicenna". World History: Ancient and Medieval Eras. ABC-CLIO, 2013. Web. 4 Dec. 2013.