Bol
Bol (hurup Arab Gundul: بول) atawa bool (hurup Arab Gundul: بؤول) (istilah ilmiah: rectum, deri basa Latèn regere 'nglempengin, ngatur') entu anggota paling bontot deri iso di berapa jenis héwan nété' nyang ujungnya di silit. Ni orhan gunanya bakal nampung tai sementara. Megarnya tèmbok bol lantaran numpleknya barang di dalem bol bakal malud sistim sarap nyang bakalan ngeja nongtot rasa kebelet bèrak. Kalu kaga' kejadian bèrak, ni barang sokanan dibalikin lagi ke iso, di mana penyerepan aèr bakal dilakonin lagi. Kalu lama kaga' bèrak, bisa-bisa kebebelan ama pengatosan bèrak.