Pax Americana

Pax Americana (лац.: Амерыканскі мір) — перыяд эканамічнай і грамадска-палітычнай стабільнасці, які склаўся ў заходніх краінах пасля заканчэння другой сусветнай вайны і канчатковага размежавання сфер уплыву ЗША і СССР, які стаў цэнтрам Pax Sovietica (лац.: Савецкі мір). Гэтыя дзве новыя дзяржавы, якія стварылі біпалярны свет, былі свайго роду аналагамі старажытнай Рымскай імперыі ў часы сваёй стабільнасці — Pax Romana. ЗША, у прыватнасці, былі відавочным пераемнікам былой магутнасці шмат у чым ідэнтычнага Pax Britannica.

Роля ЗША, як дамінанты заходняга свету, шмат у чым тлумачылася тым, што гэта краіна не пацярпела ад разбуральных наступстваў Другой сусветнай вайны і змагла лёгка распаўсюдзіць свой уплыў у краінах Захаду. Шмат у чым роля ЗША пасля 1945 года была нават больш значнай, чым пасля распаду СССР у 1991 годзе. Неаднаразова, аднак, нягледзячы на моцную эканамічную сувязь паміж краінамі, якія склалі Pax Americana, быў відавочны нейкі ідэйны раскол — у першую чаргу з Францыяй, якая заўважыла відавочнае германскае дамінаванне кааліцыі.