Паўцвердакрылыя

Паўцвердакрылыя
Клоп-салдацік (Pyrrhocoris apterus)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Атрад:  Паўцвердакрылыя
Міжнародная навуковая назва
Hemiptera Linnaeus, 1758
Сінонімы
Rhynchota Burmeister, 1835
Падатрады
Heteroptera — Клапы Auchenorrhyncha Sternorrhyncha Coleorrhyncha
Сістэматыка на Віківідах Выявы на Вікісховішчы ITIS   103359 NCBI   7524 EOL   539 FW   94230

Паўцвердакрылыя (Hemiptera) — атрад насякомых з няпоўным пераўтварэннем.

Апісанне

Даўжыня ад 0,7 мм да 12 см. Крылаў дзве пары, пярэднія неаднародныя: верх перапончаты, аснова цвёрдая, скурыстая (адсюль назва), ёсць кароткакрылыя і бяскрылыя, як напр. пасцельны клоп (Cimex lectularius), формы. Ротавы апарат колюча-сысучага тыпу, складаецца з членістага хабатка, утворанага скручанай у трубку ніжняй губой і дзвюма парамі стылетаў (верхнія і ніжнія сківіцы). Ёсць пахучыя грудныя залозы.

Пашырэнне

Вядомы з мезазойскай эры (каля 200 млн г. назад). Падзяляюцца на 50 сямействаў, больш за 30 тыс. відаў, на Беларусі сустракаецца каля 400 відаў.

Пашыраны ўсюды. Жывуць на сушы (паверхня і верхні слой глебы, расліны), на паверхні вады і ў вадзе (водныя расліны, дно).

Асаблівасці біялогіі

Большасць відаў корміцца сокамі раслін (у асноўным, генератыўныя органы і насенне), некаторыя — драпежнікі, крывасмокі, паразіты іншых жывёл.

Развіццё з няпоўным ператварэннем (стадыя кукалкі адсутнічае).

Могуць пераносіць узбуджальнікаў вірусных хвароб.

Літаратура

• Клапы // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).