Душыца

Душыца
Душыца палявая (Acinos arvensis)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Ясноткавыя Падсямейства:  Nepetoideae Трыба:  Мятныя Падтрыба:  Menthinae Род:  Душыца
Міжнародная навуковая назва
Acinos Mill. (1754)
Сістэматыка на Віківідах Выявы на Вікісховішчы ITIS   184861 NCBI   224742 IPNI   30237232-2

Душы́ца (Acinos) — род кветкавых раслін сямейства Ясноткавыя (Lamiaceae).

Батанічнае апісанне

Аднагадовыя, зрэдку шматгадовыя травяністыя расліны з простымі адзіночнымі або шматлікімі сцёбламі. Лісце супраціўнае, дробнае, яйцападобнай або рамбічнай формы, звужанае ў кароткі чаранок. Кветкі дробныя, фіялетава-пурпуровага колеру, у несапраўдных кальчаках ў пазухах лісця. Плод — чатырохарэшак.

Распаўсюджанне

Род налічвае каля 10 відаў, па дадзеных The Plant List — 1 від: душыца альпійская (Acinos alpinus). Расліны роду распаўсюджаны ў Еўропе, Міжземнамор’і, Пярэдняй Азіі. На тэрыторыі Беларусі сустракаецца душыца палявая (Acinos arvensis). Растуць у сухіх сонечных месцах, на пясках, чыгуначных насыпах, каля дарог і інш.

Гаспадарчае значэнне

Меданосныя, эфіралейныя і лекавыя расліны.

Літаратура

• Вынаеў Г. У. Душыца // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — 576 с. — 10 000 экз. — ISBN 985-11-0035-8. — ISBN 985-11-0106-0 (т. 6). — С. 269.
• Пашына Г. В. Душыца // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз. — С. 237.

Спасылкі

• Душевка — род Acinos: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
• Acinos (англ.) // The Plant List