38-я асобная гвардзейская дэсантна-штурмавая брыгада
| 38-я Брэсцкая асобная гвардзейская Венская Чырванасцяжная дэсантна-штурмавая брыгада | |
|---|---|
 Нарукаўны знак 38-й асобнай брыгады | |
| Гады існавання | з 10 лістапада 1979 г. |
| Краіна |
 СССР Беларусь |
| Уваходзіць у | Cілы спецыяльных аперацый Узброеных Сіл Рэспублікі Беларусь |
| Тып | брыгада |
| Дыслакацыя | Брэст |
| Удзел у |
Афганская вайна (1979—1989) Пратэсты ў Беларусі (2020—2021)[1][2] |
| Знакі адрознення |
  |
| Камандзіры | |
| Дзеючы камандзір |
гвардыі палкоўнік Валерый Булыга[3] |
38-я Брэсцкая асо́бная гвардзе́йская Венская Чырванасцяжная дэсантна-штурмавая брыгада — адно з падраздзяленняў Сілаў спецыяльных аперацый Узброеных Сіл Рэспублікі Беларусь. Умоўная назва — Вайсковая часць 92616.
Гісторыя
[правіць | правіць зыходнік]Савецкі час
[правіць | правіць зыходнік]1944 год — 12-я гвардзейская паветрана-дэсантная дывізія ўваходзіць у склад 9-й арміі. А праз год злучэнне рэфармавана ў 105-ю стралковую дывізію. У сакавіку 1945 года злучэнне ваявала ў гарах і лясах паўночнага ўсходу аўстрыйскіх Альпаў. Дэсантнікі вызвалілі больш за 300 населеных пунктаў, у тым ліку і сталіцу Аўстрыі Вену, за што дывізія атрымала найменне Венская. Менавіта таму яе эмблему і сёння ўпрыгожвае аўстрыйскі флаг. А за ўзяцце гарадоў Папа і Дзевечар 26 красавіка 1945 года злучэнне было ўзнагароджана ордэнам Чырвонага Сцяга.
Пасля вайны ў чэрвені 1946 года 105-я гвардзейская стралковая дывізія была перафарміравана па штатах паветрана-дэсантных войскаў і перайменавана ў гвардзейскую Венскую Чырванасцяжную дывізію. Яна ўвайшла ў склад 38-га паветрана-дэсантнага корпуса. Па задуме ваеннага кіраўніцтва СССР, 105-я дывізія, у адрозненне ад іншых злучэнняў ПДВ, павінна была спецыялізавацца на вядзенні баявых дзеянняў у горнай і пустыннай мясцовасці. Для гэтага ў 1960 годзе дывізія была перадыслацыравана ў Туркестанскую ваенную акругу, дзе і заставалася да канца 70-х.
Да лета 1979 года кіраўніцтва Узброеных Сіл СССР прымае рашэнне павялічыць колькасці дэсантна-штурмавых часцей на заходнім кірунку. І частка дывізіі пераязджае ў Брэст, дзе становіцца касцяком новай 38-й брыгады. Узмацненне па гэтым вектары меркавалася з нагоды пагаршэння сусветнай абстаноўкі і напружання ў супрацьстаянні ў халоднай вайне. Падставай для стварэння дэсантна-штурмавых фармаванняў паслужыў і перагляд тактычных прыёмаў у барацьбе з супернікам у выпадку поўнамаштабнай вайны.
Стаўка рабілася на канцэпцыю прымянення масіраваных дэсантаў у блізкім тыле праціўніка, здольных дэзарганізаваць абарону. Тэхнічную магчымасць для такога дэсантавання даваў парк транспартных верталётаў у вайсковай авіяцыі, які істотна павялічыўся да гэтага часу. 10 лістапада 1979 гады 105-я дывізія канчаткова была рэарганізавана ў 38-ю асобную дэсантна-штурмавая брыгаду[4].
Брыгада ўдзельнічала ў ваенных дзеяннях у Афганістане з 1987 года.
1 чэрвеня 1990 года яна была перададзена ў склад Паветрана-дэсантных войскаў і перафарміравана ў 38-ю асобную гвардзейскую Венскую Чырванасцяжную паветрана-дэсантную брыгаду.
Незалежная Беларусь
[правіць | правіць зыходнік]1 верасня 1995 38-ю брыгаду перадалі ў склад Мабільных сіл Рэспублікі Беларусь.
З 2002 года па 31 студзеня 2003 года брыгада знаходзілася ў складзе Сухапутных войскаў.
З 1 лютага 2003 года 38-я брыгада перайшла да частак цэнтральнага падпарадкавання Генеральнага штаба Узброеных Сіл Рэспублікі Беларусь і адносіцца да Сіл спецыяльных аперацый.
З 2 жніўня 2016 года брыгада была перайменавана ў 38-ю асобную гвардзейскую Венскую Чырванасцяжную дэсантна-штурмавую брыгаду[5].
У жніўні 2020 года брыгада прыцягвалася для стрымлівання пратэстаў у Беларусі[6][7].
14 студзеня 2020 года Міністрам абароны Рэспублікі Беларусь прынята рашэнне прысвоіць брыгадзе найменне па пункце дыслакацыі: 38-я Брэсцкая асобная гвардзейская Венская Чырванасцяжная дэсантна-штурмавая брыгада[8].
Крыніцы
[правіць | правіць зыходнік]- ↑ На судзе ў справе Шутава стала вядома, хто загадаў выкарыстоўваць узброеных вайскоўцаў падчас пратэстаў
- ↑ На суде по делу Шутова стало известно, кто отдал приказ использовать вооруженных военнослужащих во время протестов в Бресте
- ↑ Гвардии полковник Валерий Булыго – новый командир 38-й бригады (руск.)
- ↑ Как создавалась знаменитая 38-я Брестская десантно-штурмовая бригада (руск.)
- ↑ Брестский курьер. 38-я бригада – снова десантно-штурмовая(недаступная спасылка). Архівавана з першакрыніцы 14 жніўня 2017. Праверана 14 жніўня 2017.
- ↑ СМИ: в Бресте подняли 38 бригаду ВДВ.
- ↑ Власти Бреста подтвердили привлечение десантников для сдерживания протестов.
- ↑ Об изменении названия 103-й бригады
Спасылкі
[правіць | правіць зыходнік]- «Вечерний Брест» — «38-я ДШБ празднует день рождения в статусе лучшей». Архівавана 5 жніўня 2017. (руск.)
