Ясянец (Баранавіцкі раён)

Вёска Ясянец Краіна Беларусь Вобласць Брэсцкая Раён Баранавіцкі Сельсавет Гарадзішчанскі Каардынаты 53°21′01″ пн. ш. 26°02′39″ у. д. Насельніцтва ▼8 чал. (2019) Часавы пояс UTC 3 Тэлефонны код 375 163 Аўтамабільны код 1 СААТА 1204812105 Ясянец на карце Беларусі ±

Ясянец на Вікісховішчы

Ясяне́ц (трансліт.: Jasianiec, руск.: Ясенец) — вёска ў Баранавіцкім раёне Брэсцкай вобласці. Уваходзіць у склад Гарадзішчанскага сельсавета. Размешчаны за 28 км на поўнач ад Баранавіч, ля ракі Сэрвач.

Гісторыя

Будаўніцтва царквы Святога Мікалая ў маёнтку Ясянец фундаваў у 1638 годзе мазырскі мечнік Рыгор Война-Ясянецкі разам з жонкай Хрысцінай з Улатоўскіх. Згодна з візітацыяй 1680 года, святыня была драўляная і мела ўсё неабходнае начынне.

У першай палове 1880-х гадоў сяло Ясянец (яно ж Паручын) у Гарадзішчанскай воласці Навагрудскага павета Мінскай губерні, 35 двароў, 350 жыхароў, дзейнічалі 2 царквы, капліца, школа.

У 1897 годзе дзейнічалі царква, царкоўна-прыходская школа, вадзяны млын.

Мост цераз Сэрвач

У пачатку XX стагоддзя 31 двор, каля 170 жыхароў. Побач з сялом знаходзіўся аднайменны маёнтак (1 двор, 2 жыхары).

Паводле Рыжскага мірнага дагавора 1921 года ў складзе Польскай Рэспублікі.

З 1939 года ў складзе БССР.

Насельніцтва

• 21 двор, 171 жыхар (1897)
• 225 жыхароў (1939)
• 221 жыхар (1970)
• 57 двары, 74 жыхары (1998)

Славутасці

• Рэшткі сядзібы Верашчакаў.
• Крыніца «Ясянец».

Страчаная спадчына

Сядзібны дом

Царква

• Сядзібны дом.
• Свята-Мікалаеўская царква (1638).

Вядомыя асобы

• Яўхім Храптовіч (1729—1812) — грамадскі і дзяржаўны дзеяч Рэчы Паспалітай, апошні канцлер вялікі літоўскі.

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X

Спасылкі

• На Вікісховішчы ёсць медыяфайлы па тэме Ясянец (Баранавіцкі раён)
• Ясянец (Баранавіцкі раён) на сайце Глобус Беларусі (руск.)