Юры Там

Юры Там
эст.: Jüri Tamm
Агульная інфармацыя
Пол	мужчынскі пол
Спецыялізацыя	лёгкая атлетыка
Нарадзіўся	5 лютага 1957(1957-02-05) Пярну, Эстонская ССР, СССР
Памёр	22 верасня 2021(2021-09-22)[…] (64 гады)
Грамадзянства	СССР  Эстонія
Альма-матар	Нацыянальны ўніверсітэт фізічнага выхавання і спорту Украіны Pärnu Co-educational Gymnasium[d]
Рост	193 см
Вага	124 кг
Медыяфайлы на Вікісховішчы

Юры Там (эст.: Jüri Tamm; 5 лютага 1957, Пярну — 22 верасня 2021) — эстонскі лёгкаатлет, спартыўны дзеяч, заслужаны майстар спорту СССР (1986). Кавалер ордэна Белай зоркі IV ступені. Камандор ордэна «За грамадзянскія заслугі» (Іспанія). Узнагароджаны Ганаровай граматай Кабінета Міністраў Украіны (2003) за значны асабісты ўклад у развіццё ўкраінска-эстонскіх адносін.

Біяграфія

16 мая 1980 года на спаборніцтвах у Леселідзэ Юрый Сядых устанавіў сусветны рэкорд, кінуўшы молат на 80,38 метраў. Юры Там у сваёй спробе абнавіў гэты рэкорд — 80,46 метраў. Аднак яшчэ пазней Сядых вярнуў сабе тытул сусветнага рэкардсмена, паказаўшы 80,64 метраў.

На Алімпійскіх гульнях у Маскве выйграў бронзавы медаль. Золата і серабро заваявалі таксама савецкія спартсмены — Юрый Сядых з сусветным рэкордам і Сяргей Літвінаў.

У 1981 і 1983 гадах выйграваў сярэбраны і залаты медалі на Універсіядах. У 1987 на чэмпіянаце свету стаў сярэбраным прызёрам, саступіўшы Сяргею Літвінаву. На Алімпіядзе ў Сеуле ўвесь пастамент у кіданні молата ізноў занялі спартоўцы з СССР. Юры Тамм стаў уладальнікам бронзы, Юры Сядых — срэбра, а Сяргей Літвінаў — золата.

Пасля распаду СССР пачаў выступаць за Эстонію. Двойчы браў удзел у Алімпійскіх гульнях — у 1992 і 1996 гадах, а таксама ў чэмпіянаце Еўропы 1994 года і чэмпіянаце свету 1995 года.

Быў чэмпіёнам СССР у 1987 і 1988 гадах, а таксама чэмпіёнам Эстоніі ў 1991, 1993 і 1994 гадах.

Асабісты рэкорд (84,40 м) устанавіў у 1984 годзе ў горадзе Банска-Бістрыца. Гэты вынік да цяперашняга часу з’яўляецца рэкордам Эстоніі.