Элеанора Марыя Аўстрыйская

Элеанора Марыя Аўстрыйская
Eleonore Maria von Österreich
Каралева-кансорт Польшчы 1670 — 1673
Папярэднік	Марыя Луіза Ганзага
Пераемнік	Марыя дэ Лагранж д’Арк’ен
Вялікая Княгіня Літоўская 1670 — 1673
Папярэднік	Марыя Луіза Ганзага
Пераемнік	Марыя дэ Лагранж д’Арк’ен
Герцагіня Латарынгская 1678 — 1690
Нараджэнне	21 мая 1653(1653-05-21) Рэгенсбург, Верхні Пфальц, Баварыя
Смерць	17 снежня 1697(1697-12-17) (44 гады) Вена, Габсбургская манархія
Месца пахавання	Імператарскі склеп
Род	Габсбургі
Бацька	Фердынанд III Габсбург
Маці	Элеанора Ганзага
Муж	Міхал Вішнявецкі і Карл V[…]
Дзеці	Леапольд I, Карл III Іосіф Латарынгскі[d], Іосіф Латарынгскі[d], Frans II Jozef van Lotharingen[d], Eleanor de Lorraine[d] і Charles Ferdinand de Lorraine[d]
Веравызнанне	каталіцтва
Узнагароды	Залатая Ружа[d]
Медыяфайлы на Вікісховішчы

Элеанора Марыя Жазэфа Габсбург (ням.: Eleonore Maria Josefa von Habsburg; 31 мая 1651, Рэгенсбург, цяпер Германія — 17 снежня 1697, Вена, цяпер Аўстрыя) — каралева польская і вялікая княгіня літоўская, пасля княгіня латарынская.

Біяграфія

Каранацыя Элеаноры Марыі Жазэфы ў Варшаве

Была дачкой імператара Свяшчэннай Рымскай імперыі, караля Чэхіі і Венгрыі Фердынанда III Габсбурга і Элеаноры Ганзагі. 27 лютага 1670 у Яснай Гуры пабралася шлюбам з каралём польскім і вялікім князем літоўскім Міхалам Вішнявецкім. У кастрычніку таго самага года была каранаваная ў Кафедральным касцёле Святога Яна ў Варшаве. У пары быў толькі адзін сын, які нарадзіўся мёртвым 29 лістапада 1670. Пасля смерці мужа ў 1673 вярнулася ў Аўстрыю.

Дзякуючы дапамозе брата Леапольда І Габсбурга ажанілася ў Вінер-Нойштаце 6 лютага 1678 са сваім былым палюбоўнікам князем Латарынгіі Карлам V. Карл V быў прызначаны намеснікам Ціроля і Пярэдняй Аўстрыі і пара пасялілася ў замку ў Інсбруку. Пасля смерці мужа ў 1690 прыклала ўсе намаганні для забеспячэння незалежнасці Латарынгіі і замацавання яе за сваімі нашчадкамі, што было зацверджана дагаворам у Рысвіку ў 1697. Тым не менш, пагадненне прадугледжвала вольны праход французскіх войскаў праз тэрыторыю княства. Праз некалькі месяцаў пасля гэтага Элеанора Марыя памерла. Яна была пахаваная ў крыпце Габсбургаў у Вене ў касцёле капуцынаў.

Дзеці

• Леапольд I Латарынгскі (1679—1729), князь Латарынгіі з 1690;
• Карл Іозеф Латарынгскі (1680—1715), архібіскуп трырскі з 1711;
• Элеанора Латарынгская (1682);
• Карл Фердынанд Латарынгскі (1683—1685);
• Іозеф Інакенцій Эмануэль Латарынгскі (1685—1705), імперскі генерал;
• Франц Іозеф Латарынгскі (1689—1715), абат Стабло і Мальмедзі.

Спасылкі

• На Вікісховішчы ёсць медыяфайлы па тэме Элеанора Марыя Аўстрыйская