Шымкент

Горад рэспубліканскага значэння Шымкент каз.: Шымкент Герб Краіна Казахстан Каардынаты 42°18′ пн. ш. 69°36′ у. д. Акім Нурлан Ермекавіч Саўранбаеў[d] Заснаваны XII стагоддзе Першая згадка VI стагоддзе Ранейшыя назвы Чымкент, Чарняеў, Неджыкет Плошча 347 км² Вышыня цэнтра 506 м Тып клімату кантынентальны Насельніцтва 1 010 855 чалавек Агламерацыя 1,8 млн чалавек Нацыянальны склад казахі 64,76 % рускія 14,52 % узбекі 13,70 % азербайджанцы 1,86 % татары 1,54 % карэйцы 1,00 % украінцы 0,54 % туркі 0,41 % іншыя 1,68 % Часавы пояс UTC 6 і Азія/Алматы[d] Тэлефонны код 7 7 7252 Паштовы індэкс 160000 Аўтамабільны код X / Y / 17 Афіцыйны сайт shymkent.gov.kz Шымкент на карце Казахстана

Медыяфайлы на Вікісховішчы

Шымкент (каз.: Шымкент) — горад рэспубліканскага значэння ў Казахстане (да 2018 года адміністрацыйны цэнтр Паўднёва-Казахстанскай вобласці). Горад уваходзіць у тройку найбуйнейшых гарадоў Казахстана і з’яўляецца адным з найбуйнейшых прамысловых і гандлёвых цэнтраў краіны.

Прэзідэнт рэспублікі Нурсултан Назарбаеў адзначыў Шымкент як трэці паводле значнасці горад у краіне. Міжнародная асамблея сталіцаў і буйных гарадоў (МАГ) прызнала Шымкент «Лепшым горадам сярод краін СНД» у 2011 годзе.

Гісторыя

Паселішчы на тэрыторыі сучаснага Шымкента ўжо існавалі на мяжы XI—XII стагоддзяў. На працягу стагоддзяў Шымкент нярэдка падвяргаўся спусташальным нашэсцям заваёўнікаў. У пачатку XIII стагоддзя праз Сайрамскі аазіс прайшлі ў Маверанахр войскі Чынгісхана, пасля чаго ён стаў часткай уладанняў нашчадкаў заваёўніка. У XIV стагоддзі ў выніку паспяховых ваенных дзеянняў супраць ханаў Ак-Орды і Залатой Арды Цімур уключыў яго ў састаў сваёй дзяржавы. У пачатку XVI стагоддзя Шымкент увайшоў у састаў Казахскага ханства, затым на працягу XVII—XVIII стагоддзяў стаў аб’ектам нашэсцяў джунгарскіх заваёўнікаў.

Насельніцтва

Большую частку насельніцтва горада складаюць казахі (65 %), у той час як сярод нацыянальных меншасцей лідарства маюць рускія (15 %) і узбекі (14 %).

Эканоміка

Шымкент з’яўляецца адным з вядучых прамысловых і эканамічных цэнтраў Казахстана. У горадзе налічваецца 69 прамысловых прадпрыемстваў каляровай металургіі, машынабудавання, хімічнай, нафтаперапрацоўчай і харчовай прамысловасці.

Гарады-пабрацімы

• Магілёў, Беларусь
• Стывенейдж, Вялікабрытанія
• Ізмір, Турцыя
• Стамбул, Турцыя
• Адана, Турцыя
• Патая, Тайланд
• Грасета, Італія
• Байінь, Кітай
• Худжанд, Таджыкістан

Вядомыя асобы

• Мікалай Мікалаевіч Афанасьеў (1911—1970) — беларускі інжынер-будаўнік.

Спасылкі

• На Вікісховішчы ёсць медыяфайлы па тэме Шымкент
• Афіцыйны сайт акамата горада Архівавана 18 жніўня 2008.
• Рэгіянальны партал горада. Бізнес-партал горада Архівавана 16 студзеня 2013.