Універсітэт Турку

Універсітэт Турку
Заснаваны	1920
Рэктар	Jukka Kola[d]
Студэнты	20 800
Краіна	Фінляндыя
Размяшчэнне	Турку
Сайт	utu.fi/fi (фін.)​ (англ.)
Медыяфайлы на Вікісховішчы

Універсітэт Турку (фінск.: Turun yliopisto) — другі па велічыні ўніверсітэт Фінляндыі пасля Хельсінкскага ўніверсітэта. Размешчаны на паўднёвым захадзе краіны, у горадзе Турку. Заснаваны ў 1920 годзе. Уваходзіць у аб’яднанне Каімбрская група.

У 2012 годзе, па версіі Times, універсітэт уваходзіў у сотню лепшых еўрапейскіх універсітэтаў. У 2013 годзе ў рэйтынгу аўтарытэтнай брытанскай кампаніі QS Quacquarelli Symonds універсітэт займаў 205 месца сярод лепшых універсітэтаў свету.

Гісторыя

Заснаваная ў 1640 годзе ў Турку Каралеўская акадэмія Аба была першым і адзіным універсітэтам Фінляндыі. У 1827 годзе пасля вялікага пажару, які знішчыў Турку, універсітэт быў пераведзены ў новую сталіцу — Хельсінкі. У 1822 годзе ў Акадэміі пачыналі сваё навучанне вядомыя фінскія дзеячы — Юхан Вільгельм Снельман, Эліяс Лёнрат, Юхан Людвіг Рунеберг.

У 1918 годзе ў Турку быў адноўлены прыватны шведскамоўны ўніверсітэт — Акадэмія Аба. Адначасова, па жаданні шырокіх грамадскіх колаў, у 1920 годзе ў горадзе быў заснаваны прыватны фінскамоўны Універсітэт Турку. Ахвяраванні на яго стварэнне пералічылі 22040 чалавек.

У 1952—1959 гадах па праекце архітэктара Арнэ Эрві быў пабудаваны новы гарадскі ўніверсітэцкі кампус на ўзгорку Юуліяпістанмякі. Новыя будынкі — бібліятэкі, лабараторый, факультэта прыродазнаўчых навук і галоўнага адміністрацыйнага блока размешчаны на ўсход ад старога корпуса ўніверсітэта, узведзенага ў пачатку XIX стагоддзя.