Уладзімір Якаўлевіч Хазанскі

Уладзімір Якаўлевіч Хазанскі
Асабістыя звесткі
Дата нараджэння	25 кастрычніка 1923(1923-10-25)
Месца нараджэння	Гарадок, Гарадоцкі павет, Віцебская губерня, РСФСР, СССР
Дата смерці	20 лістапада 1989(1989-11-20) (66 гадоў)
Грамадзянства	БССР
Альма-матар	Уральскі дзяржаўны ўніверсітэт імя А. М. Горкага (1940-я)
Месца працы	Чырвоная змена
Прафесійная дзейнасць
Род дзейнасці	журналіст, пісьменнік
Прэміі	Прэмія Ленінскага камсамола Беларусі

Уладзімір Якаўлевіч Хазанскі (25 кастрычніка 1923, Гарадок, Віцебская вобласць — 20 лістапада 1989) — журналіст, пісьменнік, лаўрэат прэміі Камсамола Беларусі.

Біяграфія

Бацька быў будаўніком. У ліпені 1941 года сям’я эвакуявалася ў Алапаеўскі раён Свярдлоўскай вобласці. Паступіў на факультэт журналістыкі Уральскага дзяржаўнага ўніверсітэта, але пасля смерці бацькі ў сувязі з цяжкімі матэрыяльнымі ўмовамі быў вымушаны пакінуць вучобу. Працаваў мантажнікам, грузчыкам на заводзе. У верасні 1942 года зноў пачаў вучыцца і, атрымаўшы дыплом, па накіраванні ЦК УКП(б) вярнуўся ў родную Беларусь.

У 1949 годзе быў залічаны ў штат «Чырвонкі».

У 1972 годзе Уладзімір Якаўлевіч стаў лаўрэатам прэміі Ленінскага камсамола Беларусі — за шматгадовую працу ў камсамольскім друку.

Творы

Аўтар дакументальных аповесцей «Ася», «Спросите у берёз», якія расказваюць аб падпольшчыках горада Полацка і ўдзельніках Прошкаўскага інтэрнацыянальнага падполля.

Разам з артыстам тэатра імя Я. Коласа А. Гутковічам напісаў п’есу «Юныя мсціўцы», якая ішла ў тэатрах Віцебска, Магілёва, Мінска.

Літаратура

• Лыскавец, В. Пошукі і знаходкі журналіста / В. Лыскавец // Віцебскі рабочы. — 1973. — 8 жн.
• Хазанскі Уладзімір Якаўлевіч // Памяць : Гарадоцкі р-н : гісторыка-дакументальныя хронікі гарадоў і раёнаў Беларусі / уклад. С. І. Садоўская; рэдкал. Н. А. Бурунова [і інш.]. — Мн., 2004. — С. 720.