Тэль-Авіўскі ўніверсітэт

Тэль-Авіўскі ўніверсітэт
іўр.: אוניברסיטת תל אביב
Заснаваны	1956
Рэктар	Ярон Оз[d]
Студэнты	27 173
Краіна	Ізраіль
Размяшчэнне	Тэль-Авіў
Сайт	tau.ac.il (іўрыт)​ (англ.)​ (руск.)​ (ар.)
Медыяфайлы на Вікісховішчы

Тэль-Авіўскі ўніверсітэт (іўр.: ‏אוניברסיטת תל אביב‏) — адзін з найбуйнейшых універсітэтаў Ізраіля, размешчаны ў раёне Рамат-Авіў горада Тэль-Авіва. Універсітэт заснаваны ў 1956 годзе і налічвае дзевяць факультэтаў. У ім навучаюцца больш за 25 000 студэнтаў.

Гісторыя

Папярэднікамі ўніверсітэта былі шматлікія невялікія вышэйшыя школы і інстытуты, якія існавалі ў Тэль-Авіве яшчэ да ўтварэння дзяржавы Ізраіль. Асабліва варта адзначыць заснаваную ў 1935 годзе «Вышэйшую школу юрыспрудэнцыі і эканомікі», ля вытокаў якой былі Палтыель Дыкштэйн, Шмуэль Эйзенштат, Макс Лазерсан і Беньямін Зіў.

Факультэты

Універсітэт складаецца з 9 факультэтаў, якія дзеляцца на больш за 100 інстытутаў, школ і дадатковых акадэмічных падраздзяленняў.

• Факультэт мастацтва імя Каца
• Факультэт інжынерных навук імя Флейшмана
• Факультэт дакладных навук імя Саклера
• Факультэт гуманітарных навук імя Энціна
• Юрыдычны факультэт імя Бухмана
• Біялагічны факультэт імя Вайза
• Факультэт менеджменту імя Рэканаці
• Медыцынскі факультэт імя Саклера
• Факультэт сацыяльных навук імя Гершона Гордана