Сэмеру

Сэмеру
08°06′30″ пд. ш. 112°55′12″ у. д.
Краіна	Інданезія
Форма вулкана	Стратавулкан
Дыяметр кратара	650 м
Глыбіня кратара	220 м
Апошняе вывяржэнне	19 красавіка 2023 г.
Вышыня вяршыні	3676 м
Медыяфайлы на Вікісховішчы

Сэме́ру (індан.: Semeru) або Мухамеру самы высокі вулкан на востраве Ява ў Інданезіі. Сэмеру знаходзіцца ў паўднёвым канцы вулканічнага комплексу — кальдэры Тэнгер (Tengger). У кратары вулкана знаходзіцца возера лавы. Вышыня Сэмеру — 3676 м (вышэйшы пункт вострава), мае некалькі кратараў; папярочнік сучаснага кратара 500—650 м, глыбіня да 220 м. Вулкан складзены андэзітамі і базальтамі. З’яўляецца галоўнай славутасцю нацыянальнага парку Брома-Тэнгер-Сэмеру.

Вывяржэнні

З 1818 года было адзначана 56 вывяржэнняў Сэмеру. З 1967 года вулкан пастаянна актыўны, ён вывяргае клубы дыму, вулканічнага попелу і піракластычнага матэрыялу з інтэрвалам 20-30 хвілін. Вывяржэнні зараз адбываюцца ў асноўным у паўднёва-ўсходнім кратары вулкана.

Апошнія вывяржэнні

• 1 снежня 2020 вулкан пачаў вывяргаць распаленую лаву, яе паток дасягнуў больш за 1 км у даўжыню. Гарачыя аблокі ўтварылі шлейф вулканічнага попелу, які расцягнуўся на 11 км у бок раёна Бесак-Кабакан. Каля 550 чалавек вымушаныя былі пакінуць свае дамы. Вывяржэнне суправаджалася вулканічнымі маланкамі.
• 4 снежня 2021 года адбыўся масіраваны выкід вулканічнага попелу і камянёў, пры якім загінула 13 і пацярпелі ад апёкаў яшчэ 100 чалавек, пры гэтым эвакуацыя была абцяжараная з-за вулканічнага попелу, што накрыў дарогі і прывёў да разбурэння моста, да таго ж хмары вулканічнага попелу засланілі сонца настолькі, як быццам наступіла ноч. Авіякампаніі атрымалі папярэджанне, што вулканічны попел можа падымацца на вышыню да 15 кіламетраў.
• 19 красавіка 2023 года вулкан зноў актывізаваўся, выкінуўшы слуп попелу на вышыню 2 км.