Рыгор Мікітавіч Зубаў

Рыгор Мікітавіч Зубаў
руск.: Григорий Никитович Зубов
Дата нараджэння	7 студзеня 1910(1910-01-07)
Месца нараджэння	Кастылёва[d], Чалябінскі павет[d], Арэнбургская губерня, Расійская імперыя
Дата смерці	3 ліпеня 1944(1944-07-03) (34 гады)
Месца смерці	Маркаўшчына, Бяларуцкі сельсавет, Лагойскі раён, Мінская вобласць, БССР, СССР
Месца пахавання	Мінскі раён
Прыналежнасць	Расійская імперыя, СССР
Род войскаў	танкавыя войскі
Званне	старшы сяржант
Бітвы/войны	Вялікая Айчынная вайна
Узнагароды і званні

Рыгор Мікітавіч Зу́баў (руск.: Григорий Никитович Зубов; 8 студзеня 1910 — 3 ліпеня 1944) — удзельнік Вялікай Айчыннай вайны, старшы сяржант. Герой Савецкага Саюза (1944).

Біяграфія

Р. М. Зубаў нарадзіўся ў сяле Кастылёва Чалябінскага павета Арэнбургскай губерні (зараз у Куртамышскім раёне Курганская вобласць Расіі). Працаваў трактарыстам, слесарам, майстрам. У маі 1941 года прызваны ў Чырвоную Армію. У час Вялікай Айчыннай вайны ўдзельнік баявых дзеянняў на Ленінградскім, Заходнім, Сталінградскім, 2-м Украінскім, 3-м Беларускім франтах.

Механік-вадзіцель танка 277-га танкавага батальёна (31-я танкавая брыгада, 29-ы танкавы корпус, 5-я гвардзейская танкавая армія, 2-і Украінскі фронт) старшы сяржант Р. Зубаў вызначыўся 11 студзеня 1944 г. у баі за сяло Карлаўка (Кіраваградская вобласць). Пасля таго, як танк быў падбіты і былі цяжка паранены камандзір танка і наводчык гарматы, Зубаў заняў месца камандзіра, а радыст месца наводчыка. Амаль ва ўпор яны расстралялі 4 танкі праціўніка, чым спрыялі ўтрыманню важнага рубяжа абароны.

Загінуў Р. М. Зубаў у баі каля вёскі Пільніца (Мінскі раён). 3 Ліпеня 1944 г. на ахопленым полымем танку ён тараніў варожы «Тыгр». Пахаваны на цэнтральнай сядзібе саўгаса «Бальшавік» Мінскага раёна.

Узнагароды

• Медаль «Залатая Зорка»
• Ордэн Леніна
• Ордэн Чырвонай Зоркі

Памяць

• У горадзе Куртамыш Курганскай вобласці ў гонар Р. М. Зубава названыя вуліца і дзіцячая бібліятэка.
• У 2015 годзе на будынку Кастылёўскай асноўнай школы Куртамышскага раёна Курганскай вобласці усталявана мемарыяльная дошка.

Літаратура

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7). — С. 116.

Спасылкі

• Рыгор Мікітавіч Зубаў на сайце «Героі краіны» (руск.)
• Бои у Карловки — Освобождение Кировограда // Вестник «Календарь Победы» Архівавана 8 красавіка 2016. (руск.)
• ЗУБОВ Григорий Никитович // Сайт «Лица Зауралья» Архівавана 6 верасня 2016. (руск.)