Пётр Пятровіч Пётух

Пётр Пятровіч Пётух
Пётр Пятровіч Пётух
	1994 — 1998
Прэзідэнт	Аляксандр Лукашэнка
Кіраўнік урада	Міхаіл Чыгір; Сяргей Лінг
Папярэднік	Альфонс Тышкевіч
Пераемнік	Мікалай Дамашкевіч
Нараджэнне	3 лістапада 1950 (74 гады); Вялікія Жаберычы, Дакудаўскі сельсавет, Крупскі раён, Мінская вобласць, БССР, СССР;
Нацыянальнасць	беларус
Адукацыя	БНТУ;
Навуковая ступень	кандыдат тэхнічных навук
Узнагароды	Ордэн Пашаны, Беларусь

Пётр Пятро́віч Пё́тух (нар. 3 лістапада 1950 г., в. Вялікія Жаберычы Крупскага раёна Мінскай вобласці) — беларускі дзяржаўны дзеяч, кандыдат тэхнічных навук.

Біяграфія

Скончыў без адрыву ад вытворчасці Беларускі палітэхнічны інстытут, у 1989 годзе — Мінскую вышэйшую партыйную школу, атрымаўшы адукацыю інжынера-механіка і выкладчыка грамадскіх дысцыплін.

З 1971 па 1978 год працаваў майстрам, тэхнолагам, намеснікам начальніка цэха, начальнікам цэха Барысаўскага завода аўтатрактарнага абсталявання.

Затым — на партыйнай працы: намеснік начальніка аддзела Барысаўскага гаркама КПБ, сакратар парткама прадукцыйнага прадпрыемства «Барысаўдрэў», другі сакратар гаркама. Выбіраўся першым намеснікам старшыні, старшынёй Барысаўскага гарвыканкама.

З 1991 года — намеснік старшыні Дзяржаўнага камітэта БССР па прамысловасці і міжгаліновых вытворчасцях (Дзяржкампрама Беларусі), затым — прэзыдэнт канцэрна «Белместпрам».

У 1994—1998 гадах працаваў старшынёй Мінскага аблвыканкама.

Са снежня 1998 года па жнівень 2004 года кіраваў дзяржаўным прадпрыемствам «Белтрансгаз»^[1].

6 кастрычніка 2000 года быў прызначаны прадстаўніком дзяржавы ў ААТ «Белгазпрамбанк».

Быў членам Савета Рэспублікі Нацыянальнага сходу Рэспублікі Беларусь першага склікання, з’яўляўся членам Камісіі па эканоміцы, бюджэце і фінансах^[2].

Тэма кандыдатскай дысертацыі — «Распрацоўка тэхналагічных метадаў павышэння надзейнасці працы доўга эксплуатуючых магістральных газаправодаў газатранспартнай сістэмы Рэспублікі Беларусь»^[3].

Сям’я

Жанаты, мае дачку.

Зноскі

[1] Афіцыйны сайт Газпрам Трансгаз Беларусь. Кіраўнікі ў ранейшыя гады

[2] Першае скліканне (З 13 студзеня 1997 па 19 снежня 2000 г.) Архівавана 18 жніўня 2020.

[3] Разработка технологических методов повышения надежности работы длительно эксплуатируемых магистральных газопроводов газотранспортной системы Республики Беларусь : Автореф. дис. на соиск. учен. степ. канд. техн. наук : 01.04.14 : 05.03.2004 / Петух Петр Петрович ; Нац. акад. наук Беларуси, Гос. научное учреждение "Ин-т тепло и массообмена им. А. В. Лыкова. — Мн., 2004. — 19 с. — Рез. парал.: белорус., рус., англ. — Библиогр.: с. 16 (10 назв.). (руск.)

[1]

[2]

[3]

Старшыні Мінскага абласнога выканаўчага камітэта
БССР	Міхаіл Кулагін (1938) Апанас Кавалёў (1938—1939) Андрэй Цёмкін (1939—1941) Фёдар Сіляеў (1941—1944) Раман Мачульскі (1944—1948) Мікіта Парашчанка (1948—1952) Мікалай Абраменка (1952—1954) Фёдар Сурганаў (1954—1955) Уладзімір Міцкевіч (1955—1962) Дзмітрый Цябут (1962—1963) Андрэй Раханаў (1963—1964, сельск.) Анатоль Дзенісевіч (1963—1964, прам.) Дзмітрый Цябут (1964—1975) Мікалай Сухій (1975—1983) Сяргей Лінг (1983—1986) Альфонс Тышкевіч (1986—1994)
Рэспубліка Беларусь	Альфонс Тышкевіч (1986—1994) Пётр Пётух (1994—1998) Мікалай Дамашкевіч (1998—2007) Леанід Крупец (2007—2010) Барыс Батура (2010—2013) Сямён Шапіра (2013—2017) Анатоль Ісачанка (2017—2019) Аляксандр Турчын (з 2019)