Палац Незалежнасці (Мінск)

Палац Незалежнасці
	Славутасць
Палац Незалежнасці
	альтэрн.: Палац незалежнасьці
	53°55′36″ пн. ш. 27°31′32″ у. д.HGЯO
Краіна	Беларусь
Горад	Мінск
Архітэктурны стыль	мадэрнізм
Архітэктар	Уладзімір Ігаравіч Архангельскі і А. С. Кобрусеў[d]
Дата заснавання	2013
Будаўніцтва	чэрвень 2011 — 24 кастрычніка 2013
	Медыяфайлы на Вікісховішчы

Палац Незалежнасці — палац у Мінску. Размешчаны на праспекце Пераможцаў, побач з выставачным цэнтрам «БелЭкспа» і Плошчай Дзяржаўнага Сцяга, каля Парку Перамогі.

Па словах прэзідэнта Беларусі Аляксандра Лукашэнкі, Палац Незалежнасці ў комплексе з плошчай Дзяржаўнага Сцяга канчаткова падкрэслівае непахіснасць беларускай дзяржаўнасці і незалежнасці^[1]. У Палацы будуць праходзіць асноўныя дзяржаўныя мерапрыемствы, пачынаючы ад уручэння замежнымі пасламі даверчых грамат і сканчаючы нарадамі глаў дзяржаў, якія прыязджаюць у Рэспубліку^[2].

Агульная плошча Палаца Незалежнасці складае каля 50 тысяч квадратных метраў. У ім налічваецца некалькі соцень памяшканняў^[3].

24 кастрычніка 2013 года ў Палацы Незалежнасці было праведзена паседжанне Вышэйшага Еўразійскага эканамічнага савета на ўзроўні глаў дзяржаў, а 25 кастрычніка — паседжанне Савета глаў дзяржаў СНД.

Прызначэнне

Палац Незалежнасці прызначаны для правядзення важнейшых і значных для дзяржавы мерапрыемстваў, сустрэч дэлегацый замежных дзяржаў, ушаноўвання шматдзетных бацькоў, прыёму у піянеры дзяцей з усёй краіны^[4]. А. Лукашэнка адзначыў, што будынак не з’яўляецца рэзідэнцыяй і ў Палацы толькі адзін рабочы кабінет для кіраўніка дзяржавы^[4]. У Палацы будуць выстаўляцца падарункі кіраўніку дзяржавы^[4]. Таксама А. Лукашэнка заявіў, што Палац будзе адкрыты для наведвання^[4]. Нягледзячы на гэта, пасля ўзвядзення будынка, ён быў узяты пад узмоцненую ахову і быў закрыты для наведвання^[5].

Кабінет Прэзідэнта Рэспублікі Беларусь
Савет бяспекі за круглым сталом
Зала пасяджэнняў

Фінансаванне будаўніцтва

Будаўніцтва Палаца Незалежнасці завяршалася ў абвешчаны ў Беларусі «Год эканоміі». З-за гэтага Палац стаў аб’ектам жорсткай крытыкі, аднак, як запэўніў прэзідэнт Беларусі А. Лукашэнка, на будаўніцтва не было выдаткавана «ні аднаго рубля» з дзяржаўнага бюджэту, але не назваў крыніц фінансавання^[4]. Паводле незалежных СМІ, словы кіраўніка дзяржавы не адпавядаюць рэчаіснасці^[6]^[7]^[8]^[9]. Так, паводле ўказаў прэзідэнта № 75 ад 17.01.2012 і № 126 ад 14.03.2013 з рэспубліканскага бюджэту на будаўніцтва Палаца Незалежнасці было вылучана каля 135 мільёнаў долараў. Пазней таксама стала вядома, што дадатковыя сродкі на будоўлю вылучаў таксама Мінгарвыканкам^[10].

Будаўніцтва

Будаўніцтва пачата летам 2011 года, падчас абвастрэння валютна-фінансавага крызісу ў Беларусі. А. Лукашэнка адзначыў, што ўсё ў Палацы Незалежнасці зроблена з айчынных матэрыялаў і беларускімі будаўнікамі^[4]. Архітэктар праекта, Уладзімір Архангельскі, адзначыў, што інтэр’ер галоўным чынам складаецца з айчыннай прадукцыі. Дываны прывезены з Брэста і Віцебска, люстры — з Ліды^[3]. У прыватнасці, люстры пастаўляліся лідскім прадпрыемствам «Каскад»^[11].

Крыніцы

↑ http://www.interfax.by/news/belarus/129663 Архівавана 1 лістапада 2013. Лукашэнка: адкрыццё плошчы Дзяржаўнага сцяга стане пунктам у спрэчках пра незалежнасць
↑ Лукашэнка: Беларусь прыступае да рэалізацыі перспектыўнага нацыянальнага праекта па стварэнні дзяржаўнага арэнднага жылля
↑ ^а ^б Архітэктар Палаца Незалежнасці: гэты звычайны адміністрацыйны будынак (нявызн.). NAVINY.BY.
↑ ^а ^б ^в ^г ^д ^е http://zviazda.by/2013/10/19174.html
↑ «Добро пожаловать» во Дворец Независимости, или Посторонним вход воспрещен Архівавана 2 красавіка 2015.
↑ http://nashaniva.by/?c=ar&i=116619
↑ http://news.tut.by/politics/371189.html Архівавана 22 лістапада 2013.
↑ Калиникина С. Сказочник Архівавана 23 лістапада 2013. — nv-online.info, 19 кастрычніка 2013, 20:05
↑ http://www.kp.by/daily/26153.3/3041159/(недаступная спасылка)
↑ Архитектор Дворца Независимости: это обычное административное здание Архівавана 30 студзеня 2014.
↑ На лідскім прадпрыемстве ЗАТ «Каскад» вырабляюць люстры для палацаў і замкаў (нявызн.).

[1] ttp://www.interfax.by/news/belarus/129663 Архівавана 1 лістапада 2013. Лукашэнка: адкрыццё плошчы Дзяржаўнага сцяга стане пунктам у спрэчках пра незалежнасць

[2] Лукашэнка: Беларусь прыступае да рэалізацыі перспектыўнага нацыянальнага праекта па стварэнні дзяржаўнага арэнднага жылля

[Naviby.by_2014.01.27-3] а ^б Архітэктар Палаца Незалежнасці: гэты звычайны адміністрацыйны будынак (нявызн.). NAVINY.BY.

[Звязда-19174-4] а ^б ^в ^г ^д ^е http://zviazda.by/2013/10/19174.html

[5] «Добро пожаловать» во Дворец Независимости, или Посторонним вход воспрещен Архівавана 2 красавіка 2015.

[6] ttp://nashaniva.by/?c=ar&i=116619

[7] ttp://news.tut.by/politics/371189.html Архівавана 22 лістапада 2013.

[8] Калиникина С. Сказочник Архівавана 23 лістапада 2013. — nv-online.info, 19 кастрычніка 2013, 20:05

[9] ttp://www.kp.by/daily/26153.3/3041159/(недаступная спасылка)

[арх-10] Архитектор Дворца Независимости: это обычное административное здание Архівавана 30 студзеня 2014.

[11] На лідскім прадпрыемстве ЗАТ «Каскад» вырабляюць люстры для палацаў і замкаў (нявызн.).

[1]

[2]

[3]

[4]

[5]

[6]

[7]

[8]

[9]

[10]

[11]