Метрасексуал

У 2002 годзе вынаходнік тэрміна назваў Дэвіда Бэкхэма «самым метрасексуальным метрасексуалам».

Метрасексуа́л (англ.: Metrosexual, па-беларуску — франт) — тэрмін, уведзены ў 1994 годзе брытанскім журналістам Маркам Сімпсанам для азначэння сучасных мужчын любой арыентацыі, якія маюць яскрава выражаны эстэтычны густ і трацяць шмат часу і грошай на ўдасканаленне свайго выгляду і спосабу жыцця.

Тэрмін «метрасексуал» — процілегласць тэрміну «мача». Метрасексуалы — шанавальнікі ўсяго вытанчанага, цудоўнага, дбаюць пра свой выгляд, наведваюць касметычныя салоны, прытрымліваюцца моды.

У XIX стагоддзі падобны культурны феномен быў вядомы пад назвай дэндзі. Пазней з’явіўся ідэалагічна супрацьлеглы тэрмін — «рэтрасексуал», г.з. мужчына, які прытрымліваецца традыцыйных поглядаў на адносіны з жанчынамі і мужчынскай манерай апранацца.

Найбольш вядомыя метрасексуалы:

• Дэвід Бекхэм
• Брэд Піт
• Робі Уільямс

Крыніцы і спасылкі

• Марк Сымпсан. «Here come the mirror men». The Independent (Лондан), стар. 22 (15 лістапада 1994).
• «Meet the Metrosexuals»
• «The Metrosexual Defined; Narcissism and Masculinity in Popular Culture» Архівавана 15 сакавіка 2007. — Артыкул, прысвечаны камерцыйным і сацыялагічным аспектам метрасексуальнасці