Луі Лево

Луі Лево
Дата нараджэння	1613[…]
Месца нараджэння	Парыж, Каралеўства Францыя
Дата смерці	11 кастрычніка 1670(1670-10-11)[…]
Месца смерці	Парыж, Каралеўства Францыя
Грамадзянства	Францыя
Працы і дасягненні
Працаваў у гарадах	Парыж
Архітэктурны стыль	класіцызм, барока
Найважнейшыя пабудовы	Во-ле-Віконт, Луўрскі палац, Версальскі палац і інш.
Уплыў на	Daniel Gittard[d]
Медыяфайлы на Вікісховішчы

Луі Лево, радзей Луі Ле Ва (фр.: Louis Le Vau або Levau) — французскі архітэктар, адзін з заснавальнікаў французскага класіцызму, з 1653 па 1670 год — першы каралеўскі архітэктар. Над найбуйнейшымі заказамі архітэктар працаваў звычайна разам з ландшафтаналаджвальнікам Ленотрам і мастаком па інтэр'еры Лебрэнам.

Луі Лево нарадзіўся ў Парыжы ў сям'і архітэктара. Лево вучыўся архітэктуры ў Італіі, у прыватнасці, у Рыме і Генуі, у эпоху росквіту барока. Вялікі ўплыў на яго таксама аказаў Франсуа Мансар. Адхіліўшыся ад рэнесансна-барочных формаў, Лево звярнуў увагу на больш простыя элементы класіцызму, у далейшым стаўшы адным з вядучых майстроў класіцызму ў Францыі.

Па замове суперінтэрданта фінансаў Нікаля Фуке Лево пабудаваў раскошны палац Во-ле-Віконт, які прыцягнуў да яго ўвагу караля Людовіка XIV. Пасля падзення Фуке яму было даручана паўтарыць поспех пры праектаванні і будаўніцтве Версальскага палаца. Адначасова Лево займала перабудова палаца Цюільры.

Акрамя гэтага, пад кіраўніцтвам Лево былі пабудаваны будынак Французскай акадэміі і шматлікія гарадскія асабнякі («атэлі»), у прыватнасці на востраве Сен-Луі.

Асноўныя працы

• 1634—1637 Атэль Кальбер — рэзідэнцыя Кальбера і Філіпа Арлеанскага. У 1826 годзе на гэтым месцы была збудавана галерэя Кальбер.
• 1640—1644 Атэль Ламбер
• 1642 — ? Атэль Лево
• 1656—1657 Атэль Лазен
• 1656—1661 Во-ле-Віконт
• 1655—1670 Луўрскі палац
• 1661—1665 Калеж Чатырох Нацый — будынак Французскай акадэміі
• 1661—1670 Версальскі палац
• 1670—1672 Вялікі Трыянон

Літаратура

• Hilary Ballon. Louis Le Vau. — Princeton: Princeton University Press, 1999. — ISBN 0691001863.