Ксенія Уладзіміраўна Сухінава

Ксенія Сухінава
Міс Свету-2008
Дата нараджэння	26 жніўня 1987(1987-08-26) (37 гадоў)
Месца нараджэння	Ніжнявартаўск, РСФСР, СССР
Рост	178 см
Грудзі	83 см
Стан	60 см
Сцёгны	91 см
Колер валасоў	русыя
Вочы	блакітныя
Грамадзянства	Расія

Ксенія Уладзіміраўна Сухінава (нар. 26 жніўня 1987, Ніжнявартаўск, СССР) — пераможца конкурсу «Міс Расія» 2007 года, пераможца міжнароднага конкурсу «Міс Свету» ў 2008 годзе.

Біяграфія

Нарадзілася 26 жніўня 1987 года ў Ніжнявартаўску. У цяперашні час жыве ў Маскве. Вучылася ў Цюменскім дзяржаўным нафтагазавым універсітэце. Пасля яго сканчэння Ксенія атрымае дыплом спецыяліста ў галіне кіравання і інфарматыкі ў тэхнічных сістэмах. У дзяцінстве сур’ёзна займалася спортам, захаплялася мастацкай гімнастыкай і бегам, а таксама мае першы разрад па біятлоне. Бацькі Ксеніі працуюць у нафтавай галіне: бацька, Уладзімір Гаўрылавіч, — аператар тэхналагічных усталёвак, маці, Наталля Аляксандраўна, працуе ў метралагічнай службе нафтасэрвіснага прадпрыемства.

Цюменская прыгажуня цяпер лічыцца ў першым складзе аднаго з вядучых мадэльных агенцтваў — Point.

Конкурсы прыгажосці

Пачынаючы з 14 снежня 2007 года, згодна з абавязкамі конкурсу «Міс Расія», Ксенія прымае актыўны ўдзел у сацыяльных і дабрачынных мерапрыемствах. Яна прысутнічала на пункце пералівання крыві, дзе ўзнагароджвала ўдзельнікаў акцыі ў Дзень донара, падтрымлівала марш «Разам супраць рака грудзей», арганізаваны кампаніяй Avon, і іншыя праграмы. Раўналежна пераможца конкурсу «Міс Расія» ўзмоцнена займаецца англійскай мовай, стылістыкай прамовы, спортам, удзельнічае ў модных паказах.

Ксенія заваявала тытул «Міс Свету — 2008» на 58-м міжнародным конкурсе прыгажосці ў Яганэсбургу, які праходзіў 13 снежня 2008 года. Другое месца заняла «Міс Трынідад і Табага», трэцяе — «Міс Індыя». Акрамя таго, у пяцёрку фіналістак увайшлі «Міс Ангола» і «Міс ПАР». Сухінава — другая расіянка, якая стала «Міс Свету». У 1992 годзе гэты конкурс выйграла Юлія Курачкіна з падмаскоўнай Шчэрбінкі. Яшчэ адна расіянка, Аксана Фёдарава, заваявала тытул «Міс Сусвет» у 2002 годзе.

21-летняя сібірачка з’яўляецца ўладальніцай тытула «Міс Расія-2007», а таксама самай прыгожай дзяўчынай Цюмені. Гэтак жа выйгравала конкурсы «Міс Нафтагаз» і «Міс імідж — 2005».

Спасылкі

• Міс Свету, афіцыйны сайт (англ.)
• "Расіянка Ксенія Сухінава стала «Міс Свету-2008»"(руск.). Комсомольская правда.