Герб Квебека

Сучасны герб Квебека

Герб Квебека 1868—1939

Герб Квебе́ка (фр.: Armoiries du Québec) — адзін з сімвалаў канадскай правінцыі Квебек. Герб Квебека быў прыняты і зацверджаны каралевай Вікторыяй у 1868 годзе, сучасны варыянт выкарыстоўваецца з 1939 года.

Апісанне

Герб уяўляе сабой шчыт, двойчы перасечаны на блакіт, чырвоны і золата. У блакіце тры залатыя лілеі, у чырвоным залаты леапард з блакітным языком і кіпцюрамі, у золаце тры зялёныя кляновыя лісты з аднаго кораня. Шчыт увянчаны каронай Цюдараў, пад шчытом срэбная стужка з дэвізам правінцыі на французскай мове «Je me souviens» («Я памятаю»).

Кампазіцыя герба адлюстроўвае розныя этапы ў гісторыі правінцыі. Геральдычныя лілеі сімвалізуюць французскі перыяд гісторыі Квебека, леапард — брытанскую карону, кляновыя ліст — Канаду.

Літаратура

• «Герб Квебека» інфармацыя на сайце ўрада Квебеку, абноўлена 14 студзень 2008
• Luc Bouvier. «Les armoiries du Québec d'hier à aujourd'hui», dans L'Action nationale, février 1999.
• Gaston Deschênes. Les symboles d'identité québécoise, Québec: Publications du Québec, 1990, 39 pages ISBN 2-551-14189-3

Спасылкі

• На Вікісховішчы ёсць медыяфайлы па тэме Герб Квебека