Георг II (герцаг Саксен-Майнінгена)

Георг II Саксен-Майнінгенскі
ням.: Georg II von Sachsen-Meiningen
герцаг Саксен-Майнінгенскі 20 верасня 1866 — 25 чэрвеня 1914
Папярэднік	Бернгард II Саксен-Майнінгенскі
Пераемнік	Бернгард III Саксен-Майнінгенскі
Нараджэнне	2 красавіка 1826(1826-04-02)[…] Майнінген, Германія
Смерць	25 чэрвеня 1914(1914-06-25)[…] (88 гадоў) Бад-Вільдунген[d]
Месца пахавання	Майнінгенскія паркавыя могілкі[d]
Род	Саксен-Майнінген[d]
Бацька	Bernhard II, Duke of Saxe-Meiningen[d]
Маці	Marie Frederica of Hesse-Kassel[d]
Жонка	Шарлота Пруская[d], Princess Feodora of Hohenlohe-Langenburg[d] і Ellen Franz[d]
Дзеці	Bernhard III, Duke of Saxe-Meiningen[d], Princess Marie Elisabeth of Saxe-Meiningen[d], Ernst, Prince of Saxe-Meiningen[d], Prince Friedrich of Saxe-Meiningen[d], Georg Albrecht Prinz von Sachsen-Meiningen[d], unnamed son von Sachsen-Meiningen[d] і Viktor Prinz von Sachsen-Meiningen[d]
Веравызнанне	лютэранства
Адукацыя	Бонскі ўніверсітэт
Званне	генерал
Бітвы	франка-пруская вайна
Узнагароды
Медыяфайлы на Вікісховішчы

Георг II (ням.: Georg II von Sachsen-Meiningen; 2 красавіка 1826, Майнінген — 25 чэрвеня 1914, Бад-Вільдунген) — перадапошні герцаг Саксен-Майнінгенскі (1866—1914), генерал пяхоты прускай арміі. Праславіўся як мецэнат тэатральнага мастацтва, з прычыны чаго празваны «тэатральным герцагам» (Theaterherzog).

Біяграфія

Прадстаўнік эрнесцінскай лініі Ветынаў, Георг быў адзіным сынам герцага Бернгарда II і Марыі Фрыдэрыкі Гесэн-Касельскай. Неўзабаве пасля нараджэння, 12 лістапада 1826 года, атрымаў тытул герцага Саксен-Гільдбурггаўзенскага. Скончыў Бонскі ўніверсітэт.

20 верасня 1866 года яго бацька вымушаны быў адрачыся ад прастола на карысць сына пасля паражэння герцагства ў аўстра-прускай вайне. У адрозненне ад бацькі Георг падчас вайны заставаўся верным Прусіі і быў узведзены ў званне генерал-лейтэнанта прускай арміі.

У час Франка-прускай вайны 1870—1871 гадоў герцаг камандаваў дзвюма дывізіямі майнінгенскіх салдат у складзе германскай арміі. Ён прыняў удзел у большасці бітваў вайны і ўвайшоў у Парыж разам з Вільгельмам I, з якім быў у сяброўскіх адносінах.

Пасля Франка-прускай вайны Георг сур’ёзна захапіўся тэатрам. Яго прыдворны тэатр меў шырокую вядомасць у Еўропе і аказаў уплыў на тэатральнае мастацтва. Сам герцаг, маючы шырокія веды па гісторыі мастацтва, асабіста займаўся рэжысурай і пастаноўкай гістарычна дакладных сцэн, а таксама стварэннем касцюмаў і дэкарацый. Разам з тэатрам ён гастраляваў па ўсёй Еўропе.

Таксама захапляўся батанікай і стварыў батанічны сад пры сваёй віле («Карлота») на беразе возеры Кома.

Сям’я

Георг упершыню жаніўся 18 мая 1850 года ў Шарлотэнбургу з прынцэсай Шарлотай Фрыдэрыкай Прускай, старэйшай дачкой прынца Фрыдрыха Генрыха Альбрэхта. У гэтым шлюбе нарадзіліся чацвёра дзяцей:

• Бернгард III (1 красавіка 1851 — 16 студзеня 1928), герцаг Саксен-Майнінгена, стаў спадчыннікам бацькі
• Георг Альбрэхт (12 красавіка 1852 — 27 студзеня 1855)
• Марыя Лізавета (23 верасня 1853 — 22 лютага 1923)
• сын (29 сакавіка 1855 — 30 сакавіка 1855)

Шарлота памерла пры нараджэнні чацвёртага дзіцяці. 23 кастрычніка 1858 года Георг ажаніўся другі раз, яго выбранніцай стала Феадора, дачка Эрнста I, князя Гогенлоэ-Лангенбурга. У гэтым шлюбе нарадзіліся трое дзяцей:

• Эрнст Бернгард Віктар Георг (27 верасня 1859 — 29 снежня 1941)
• Фрыдрых Ёган Бернгард Герман Генрых Морыц (12 кастрычніка 1861 — 23 жніўня 1914)
• Віктар (14 мая 1865 — 17 мая 1865)

У студзені 1872 года Феадора захварэла на шкарлятыну і памерла праз месяц. 18 сакавіка 1873 года Георг ажаніўся трэці раз, з былой актрысай Элен Франц. Гэты марганатычны шлюб вельмі ўгневаў кайзера Вільгельма I, хоць германская грамадскасць падтрымала герцага.

Літаратура

• Георг II, герцог саксен-мейнингенский // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
• Ann Marie Koller. The Theater Duke: Georg II of Saxe-Meiningen and the German Stage. — Stanford Univ Pr, 1984. — 257 с. — ISBN 978-0804711968.

Спасылкі

• На Вікісховішчы ёсць медыяфайлы па тэме Георг II (герцаг Саксен-Майнінгена)