Гафса (горад)

Горад Гафса قفصة Краіна Туніс Вілает Гафса Каардынаты 34°25′00″ пн. ш. 8°47′00″ у. д. Плошча 45 км² Вышыня цэнтра 297 м Насельніцтва 84 677 чалавек (2004) Часавы пояс UTC 1, летам UTC 2 Тэлефонны код 76 Паштовыя індэксы 2100 Афіцыйны сайт commune-gafsa.gov.tn Гафса на карце Туніса

Медыяфайлы на Вікісховішчы

Га́фса (араб. قفصة‎‎) — горад у цэнтральнай частцы Туніса, адміністрацыйны цэнтр вілаета Гафса. Насельніцтва 81,9 тыс. чал. (2006). Вузел аўтадарог, чыгуначная станцыя. Міжнародны аэрапорт.

Гісторыя

Адзін з найстаражытных гарадоў Туніса. Берберская крэпасць, вядомая пад рымскай назвай Капса (лац.: Capsa), спалена рымлянамі ў 106 да н.э.). Квітнеючы рымскі горад пры Траяне, візантыйская калонія пры імператары Юстыніяне I. У 668 н.э. захоплены арабамі.

Мінарэт у г. Гафса

Аазіс Капса быў адным з апошнім прыстанкаў для рэштак хрысціянскага раманамоўнага насельніцтва пасля пачатку арабскіх заваяванняў. Паводле сведчанняў арабскага падарожніка і гістарыёграфа Ал-Ідрысі, насельніцтва Капсы ў XII стагоддзі было пераважна раманамоўным.

Славутасці

Захаваліся помнікі рымскага (вадаёмы з мазаікай) і сярэднявечнага (крэпасць, Вялікая мячэць) перыядаў.

Эканоміка

Гафса — буйны гандлёва-рамесны цэнтр. Саматужная вытворчасць шарсцяных, гарбарных (у т.л. абутку) вырабаў, дыванаў. У раёне Гафсы — распрацоўка радовішчаў фасфарытаў.

Гарады-пабрацімы

•  Неапаль, Італія
•  Пальма-дэ-Мальёрка, Іспанія

Літаратура

• Гафса // Большая российская энциклопедия : [в 35 т.] / гл. ред. Ю. С. Осипов. — М. : Большая Российская энциклопедия, 2004—2017.

Спасылкі

• На Вікісховішчы ёсць медыяфайлы па тэме Гафса (горад)