Галіна Аляксандраўна Булыка

Галіна Аляксандраўна Булыка
Галіна Аляксандраўна Булыка
Асабістыя звесткі
Псеўданімы	Галіна Шарэўская, Галіна Яхантава, Алена Лісоўская, Алена Сахарава, Эліс Фокс
Дата нараджэння	6 снежня 1960 (64 гады)
Месца нараджэння	Асава, Пагародзенскі сельсавет, Воранаўскі раён, Гродзенская вобласць, БССР, СССР;
Грамадзянства	СССР; Беларусь;
Бацька	Аляксандр Мікалаевіч Булыка
Альма-матар	хімічны факультэт БДУ (1983); Літаратурны інстытут імя А. М. Горкага (1989);
Месца працы	Інстытут фізіка-арганічнай хіміі НАН Беларусі; Аўтарамбудмантаж[d]; Культура; Рэспубліка; Крыніца; Беларуская думка; Мотавела;
Прафесійная дзейнасць
Род дзейнасці	пісьменніца, журналістка, паэтка
Гады творчасці	з 1975
Кірунак	проза, паэзія, пераклад
Жанр	лірыка
Мова твораў	беларуская
Дэбют	«Бярозка»
Грамадская дзейнасць
Член у	Саюз пісьменнікаў СССР; Саюз пісьменнікаў БССР;

Галіна Аляксандраўна Булыка (нар. 6 снежня 1960, в. Асава, Воранаўскі раён, Гродзенская вобласць) — беларуская пісьменніца, перакладчыца.

Біяграфія

Нарадзілася ў сям’і настаўнікаў. Бацька — вядомы беларускі мовазнавец Аляксандр Булыка. У 1966 годзе сям’я пераехала ў Мінск. Скончыла хімічны факультэт Беларускага дзяржаўнага ўніверсітэта (1983). Працавала стажорам-даследчыкам у Інстытуце фізіка-арганічнай хіміі АН БССР, выхавальніцай у рабочым інтэрнаце Мінскага матацыклетнага і веласіпеднага завода, інжынерам-наладчыкам Упраўлення пусканаладачных работ трэста «Аўтарэмбудмантаж» Мінаўтапрама СССР. У 1989 годзе скончыла Вышэйшыя літаратурныя курсы ў Маскве. Сябра Саюза пісьменнікаў СССР і Саюза пісьменнікаў БССР (Саюз беларускіх пісьменнікаў) з 1987 года. Працавала ў газетах «Культура», «Рэспубліка», часопісах «Крыніца», «Беларуская думка». З 2004 года — галоўны рэдактар часопіса «Coiled Tubing Times» («Час калцюбінга»)^[1].

Творчасць

З вершамі ўпершыню выступіла ў друку ў 1975 годзе (часопіс «Бярозка). Аўтарка падборкі вершаў «Дзень нараджэння снежня» ў калектыўным зборніку «Сцяжына» (1983), зборнікі паэзіі «Сінтэз» (1986), «Турмалін» (1994). Вершы друкаваліся ў часопісах «Полымя», Маладосць», «Юность», «Сибирские огни» і інш.

Пад псеўданімам Вікторыя Васільева выпусціла раман «Здабыццё шчасця» (Вільня-Мінск: Паліна, 1996), пад псеўданімам Галіна Яхантава — раман «Сны Анастасіі» (М.: Вагрыус, 1996); «Чорная ружа Анастасіі» (М.: Вагрыус, 1997), пад псеўданімам Галіна Шарэўская — раман «Усход кахання» (М.: Яуза, 1997), пад псеўданімам Эліс Фокс — раман «Беласнежка і Чарнадымка» (Мінск, 1998). Друкуецца таксама пад псеўданімамі Алена Лісоўская і Алена Сахарава. Пераклала раман Яна Флемінга «Шпіён, які мяне кахаў» (М.: Дайджэст, 1991)^[2].

Зноскі

↑ Галіна Булыка // Беларускія пісьменнікі (1917—1990) : Даведнік / Склад. А. К. Гардзіцкі; нав. рэд. А. Л. Верабей. — Мн.: Мастацкая літаратура, 1994. — С. 71—72.
↑ Пераклады Галіны Булыкі (нявызн.).

Літаратура

Дранько-Майсюк Л. В. З табою: з Галінай Булыка гутарыць Л. Дранько-Майсюк // Крыніца, 1994, № 7
Рубанаў У. На востраве тайны: будзённае і вечнае ў паэзіі Галіны Булыка // Крыніца, 1995, № 8
Кавалёў С. Партрэт шкла // Маладосць, 1989, № 5
Шматкова И. И. Художественный мир поэзии Галины Булыко // Язык в сфере профессиональной коммуникации: сборник материалов Международной научно-практической конференции, г. Орел, ноябрь 2020 г. — Орел, РАНХиГС, Ин-т управления, 2020

Спасылкі

Галіна Булыка. Механічны сусвет. З нізкі вершаў
Галіна Булыка. Мы больны Беларусью // Сибирские огни, 2009, № 2

[1] Галіна Булыка // Беларускія пісьменнікі (1917—1990) : Даведнік / Склад. А. К. Гардзіцкі; нав. рэд. А. Л. Верабей. — Мн.: Мастацкая літаратура, 1994. — С. 71—72.

[2] Пераклады Галіны Булыкі (нявызн.).

[1]

[2]