Балометр

Павуцінневы балометр для рэгістрацыі фонавага касмічнага выпраменьвання

Балометр — прылада для вымярэння энергіі электрамагнітнага выпраменьвання. Асноўная частка — тэрмаадчувальны элемент, электрасупраціўленне якога мяняецца пад уздзеяннем выпраменьвання. Бываюць балометры металічныя (тонкія чэрненыя металічныя плёнкі), паўправадніковыя і дыэлектрычныя (слаі сегнетазэлектрыкаў або аксідаў тытану ці крэмнію). Створаны звышправодныя балометры. Памеры і формы адчувальнага элемента вызначаюцца прыродай крыніцы выпраменьвання; для спектральных вымярэнняў вырабляецца з 2 аднолькавых палосак (выпрамяненне накіроўваецца толькі на адну). Выкарыстоўваюцца ў інфрачырвонай спектраметрыі, радыё- і піраметрыі.

Гл. таксама

• Тэрмаэлектрычныя прыёмнікі

Літаратура

• Бало́метр // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 256. — 10 000 экз. — ISBN 985-11-0035-8. — ISBN 985-11-0061-7 (т. 2).