Антанін Гудачак

Антанін Гудачак
Дата нараджэння	14 студзеня 1872(1872-01-14)[…]
Месца нараджэння	Redhost[d], Mšené-lázně[d], раён Літамержыцы[d] або Loucká[d], раён Кладна[d]
Дата смерці	11 жніўня 1941(1941-08-11)[…] (69 гадоў)
Месца смерці	Часталавіцы[d], раён Рыхнаў над Кнежнау[d], Чэхія
Грамадзянства	Чэхаславакія
Дзеці	Jiří Hudeček[d]
Род дзейнасці	мастак, пейзажыст
Жанр	пейзаж
Вучоба	Пражская акадэмія мастацтваў Мюнхенская акадэмія мастацтваў
Уплыў	Maximilian Pirner[d] і Václav Brožík[d]
Подпіс
Медыяфайлы на Вікісховішчы

А́нтанін Гу́дачак (чэшск.: Antonín Hudeček; 14 студзеня 1872, Лоўцка, Чэхія, Аўстра-Венгрыя — 11 жніўня 1941, Часталавіцы, Пратэктарат Багеміі і Маравіі) — чэшскі мастак-пейзажыст. Правадзейны член Чэшскай акадэміі навук, славеснасці і мастацтваў (з 1930).

Антанін Гудачак разам з Антанінам Славічакам і Антанінам Калвадам, належыць да ліку вядучых чэшскіх мастакоў-пейзажыстаў пачатку ХХ стагоддзя.

Біяграфія

Пасля заканчэння гімназіі ў 1887 годзе паступіў у Пражскую акадэмію вытанчаных мастацтваў, дзе навучаўся фігуральнаму жывапісу пад кіраўніцтвам прафесараў М. Пірнера і В. Брожыка. У 1891—1893 гг. працягнуў навучанне ў Мюнхенскай акадэміі.

З 1895 года разам з А. Славічакам паступіў у мастацкую майстэрню Ю. Маржака, дзе разам з групай мастакоў, вывучаў мастацтва пейзажу.

У 1903—1909 гадах наведваў Сіцылію, востраў Капры, у 1914—1931 гг. — Францыю, Славенію, Заходнюю Украіну, Італію. Таксама напісаў некалькі пейзажаў ваколіц Кёльна і Прагі, шэраг маляўнічых краявідаў Поліцаў-над-Метуі. Двойчы наведаў востраў Руген, з 1920 года рэгулярна бываў у Татрах, Банска-Бістрыца і з 1927 года — Карпатах.

З 1927 года жыў і працаваў у Часталавіцах (цяпер раён Рыхнаў-над-Кнежнау Кралавеградзецкага края Чэхіі), дзе і памёр у 1941 годзе.

Творчасць

Пасля першых спроб фігуральнага жывапісу мастак цалкам прысвяціў сябе пейзажнага жывапісу. Знаходзіўся пад уплывам творчасці Ю. Маржака і А. Славічака і, у пэўнай ступені, французскага імпрэсіянізму. Яго карціны, аднак, больш рэалістычныя.

Аўтар вялікай колькасці палотнаў, якія высока шануюцца сёння. Творы Гудачака «Жытнёвае поле» (1880), «Ручай восенню» (1903), «Татры», «Зіма» (абедзве 1930), «Венецыя» (1930-я г.) і інш. адметныя глыбокім лірызмам, свабоднай і экспрэсіўнай манерай пісьма, тонкай каларыстыкай.

• 
• 
• 
• 
• 

Літаратура

• Гудачак Антанін // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).

Спасылкі

• На Вікісховішчы ёсць медыяфайлы па тэме Антанін Гудачак
• Hudeček Antonín (чэшск.)