Аблога Латакіі (2011)
| Аблога Латакіі | |||
|---|---|---|---|
| Асноўны канфлікт: Грамадзянская вайна ў Сірыі | |||
| Дата | 13 жніўня — 19 жніўня 2011 | ||
| Месца | Латакія | ||
| Вынік | Перамога сірыйскай арміі | ||
| Праціўнікі | |||
|
|||
| Агульныя страты | |||
|
|||
,_Flag_of_Syria_(1980%E2%80%932024).svg){kind=small}
.svg){kind=small}
Аблога Латакіі[4] — эпізод сірыйскага паўстання, калі 13 жніўня 2011 года сірыйская армія і сірыйскія ваенна-марскія сілы[5][6] пачалі аперацыю ў сірыйскім прыбярэжным горадзе Латакія.
Перадгісторыя
[правіць | правіць зыходнік]Латакія была месцам пратэстнай актыўнасці з сакавіка 2011 года. Сірыйскі ўрад заявіў, што 12 чалавек былі забіты ў горадзе падчас сутыкненняў у канцы сакавіка, што прывяло да ўводу ў населены пункт арміі ў мэтах абмежавання руху ў горад і з горада[7]. Сотні сірыйцаў былі арыштаваны да канца ліпеня. Як паведамілі мясцовыя актывісты ў Латакіі замежным сродкам масавай інфармацыі, яны асцерагаліся гвалтоўных разгонаў іх акцый. Аднак пратэсты працягваліся, нягледзячы на павелічэнне прысутнасці супрацоўнікаў сіл бяспекі і арышты. Некалькі грамадзянскіх асоб былі забіты ў ходзе сутыкненняў з паліцыяй у гэты перыяд[8].
Эскалацыя канфлікту
[правіць | правіць зыходнік]13 жніўня больш за 20 танкаў і БТР увайшлі ў Латакію, пра што паведаміў Сірыйскі назіральны пункт за правамі чалавека (SOHR). Як згадаў цэнтр, па меншай меры двое грамадзянскіх асоб былі забіты ў ходзе пачатку ўрадавай аперацыі[1].
14 жніўня мясцовы апазіцыйны каардынацыйны камітэт (LCC) заявіў, што колькасць загінуўшых узрасла, так як сірыйская армія пачала артылерыйскі і танкавы абстрэл частак горада, а сірыйскія ВМС абстралялі прыбярэжныя раёны з кананерскіх лодак з цяжкіх гармат. Сірыйская нацыянальная арганізацыя па правах чалавека заявіла, што ёй вядомы імёны 26 загінулых у Латакіі. Як заяўляў SOHR, большасць смерцяў былі выкліканы тым, што людзей альбо збілі, альбо пераехалі баявыя машыны. Паводле ўладаў, былі забіты двое салдат і чацвёра «ўзброеных мужчын, якія тэрарызавалі мясцовых жыхароў»[3].
15 жніўня сірыйская армія загадала жыхарам паўднёвых і паўднёва-ўсходніх раёнаў Латакіі эвакуіравацца. Катарскі тэлеканал «Аль-Джазіра» паведаміў, што, па сцвярджэнні мясцовых жыхароў, салдаты праводзілі аблавы на людзей у цэнтры горада, саджаючы іх у аўтобусы і адпраўляючы на стадыён Аль-Асад. Кааліцыя апазыцыйных актывістаў «Сірыйскі рэвалюцыйны каардынацыйны саюз» паведаміла аб, па меншай меры, шасцярых забітых на працягу дня ў Латакіі[9][10]. Сірыйскі адмаўляў выкарыстанне кананерскіх лодак супраць Латакіі, назваўшы гэтыя прэтэнзіі «абсалютна неабгрунтаванымі», і што караблі ля берагоў Латакіі выкарыстоўваліся для барацьбы з кантрабандай. Блізкаўсходняе агенцтва ААН для дапамогі палесцінскім бежанцам і арганізацыі работ (UNRWA) заявіла, што больш за 5000 палесцінцаў былі вымушаны бегчы з лагера бежанцаў на ўскраіне Латакіі падчас штурму, а LCC паведаміў, што салдаты прыйшлі з горада ў лагер і запатрабавалі ад мясцовых жыхароў сысці. Яны нібыта стралялі па выпадковым людзям у дадатак да абстрэлаў наваколля і ператрусам у дамах[11]. У раёне, дзе знаходзіцца палесцінскі лагер, вялася стральба[10].
Міжнародная група па правах чалавека «Авааз» заявіла, што можа пацвердзіць гібель дзевяці чалавек 16 жніўня ў Латакіі[12]. Як казалі мясцовыя жыхары, многія людзі былі затрыманыя, спрабуючы бегчы з горада, а байцы апалчэння «Шабіха» ў грамадзянскім, верныя Асаду, рабавалі будынкі і крамы ў раёне аль-Рамель, дзе знаходзіўся лагер палесцінскіх бежанцаў, а таксама агрэсіўна рэагавалі на любую спробу або любую прыкмету здымкі. Адзін жыхар заявіў, што баіцца, што ўскраіны горада будуць цалкам знішчаны[13].
Лекар, які працаваў у Латакіі, паведаміў 18 жніўня, што заявы актывістаў апазіцыі, у тым ліку аб выкарыстанні ваенных караблёў для нападу на горад і затрыманні соцень грамадзянскіх асоб на спартыўным стадыёне, з’яўляюцца праўдай. Паводле яго звестак, больш за 50 чалавек загінулі з 14 жніўня ў Латакіі. Суніцкіх і палесцінскіх жыхароў горада атакавалі ў першую чаргу, а іх дамы былі разбураны з дапамогай абстрэлаў і бульдозераў, каб змусіць людзей бегчы. Многія з іх былі схоплены і арыштаваны[2].
Наступствы
[правіць | правіць зыходнік]10 студзеня 2012 года з’явіўся відэазапіс, дзе невялікі натоўп праасадаўскіх дэманстрантаў у Латакіі акрыжыў і атакаваў машыны назіральнікаў ЛАГ. Пры гэтым было паранена 11 назіральнікаў[14].
Заўвагі
[правіць | правіць зыходнік]- ↑ а б Syrian army 'enters western coastal city' (13 жніўня 2011). Архівавана з першакрыніцы 24 сакавіка 2013. Праверана 13 August 2011.
- ↑ а б SYRIA: Latakia doctor says crackdown aims to divide and conquer (18 жніўня 2011). Архівавана з першакрыніцы 24 сакавіка 2013. Праверана 18 August 2011.
- ↑ а б Oweis, Khaled Yacoub. Tank, navy attack on Syria's Latakia kills 24-witnesses (14 жніўня 2011). Архівавана з першакрыніцы 24 сакавіка 2013. Праверана 15 August 2011.
- ↑ Сирийские войска взяли в осаду город Латакия. Lenta.ru (16 жніўня 2011).
- ↑ К подавлению сирийских повстанцев подключили ВМС. Lenta.ru (14 жніўня 2011).
- ↑ От действий ВМС Сирии погибли десятки человек. Lenta.ru (14 жніўня 2011).
- ↑ Twelve killed in Saturday’s Latakia protests, presidential adviser says(недаступная спасылка) (27 сакавіка 2011). Архівавана з першакрыніцы 24 сакавіка 2013. Праверана 15 August 2011.
- ↑ SYRIA: Protesters in Lattakia brave security forces (25 ліпеня 2011). Архівавана з першакрыніцы 24 сакавіка 2013. Праверана 15 August 2011.
- ↑ Syrian army intensifies Latakia crackdown (15 жніўня 2011). Архівавана з першакрыніцы 24 сакавіка 2013. Праверана 15 August 2011.
- ↑ а б Tayel, Abeer. Outrage after Palestinian camp attacked in Syria as civilian death toll mounts(недаступная спасылка) (16 жніўня 2011). Архівавана з першакрыніцы 6 красавіка 2013. Праверана 15 August 2011.
- ↑ Palestinians Flee Syrian City Of Latakia (15 жніўня 2011). Архівавана з першакрыніцы 24 сакавіка 2013. Праверана 15 August 2011.
- ↑ Tuesday, August 16, 2011 — 21:11 — Syria (16 жніўня 2011). Архівавана з першакрыніцы 24 сакавіка 2013. Праверана 16 August 2011.
- ↑ Syria ignores protests over siege of Latakia (16 жніўня 2011). Архівавана з першакрыніцы 24 сакавіка 2013. Праверана 16 August 2011.
- ↑ Arab Monitors Injured In Syria Protest. Sky News (11 студзеня 2012). Архівавана з першакрыніцы 24 сакавіка 2013. Праверана 3 сакавіка 2013.
.svg){kind=small}
