Ідзу

Ідзу
	яп. 伊豆諸島
	; Востраў Дзінаі
Характарыстыкі
Колькасць астравоў	12
Найбуйнейшы востраў	востраў Ідзу-Осіма
Агульная плошча	301,39 км²
Насельніцтва	24 960 чал. (2007)
Шчыльнасць насельніцтва	82,82 чал./км²
Размяшчэнне
	34°44′ пн. ш. 139°24′ у. д.HGЯO
Архіпелаг	Японскія астравы
Акваторыя	Ціхі акіян
Краіна	Японія;
	Ідзу
Медыяфайлы на Вікісховішчы

І́дзу (яп.: 伊豆諸島) — архіпелаг у Ціхім акіяне, на поўдзень ад усходняга ўзбярэжжа вострава Хонсю. Уваходзіць у склад Японіі. Агульная плошча — 301,39 км². Насельніцтва (2007 г.) — 24960 чал.

Геаграфія і прырода

У Японіі Ідзу прынята называць сям’ю астравамі. На самой справе, налічваецца 12 астравоў, акрамя таго ёсць водмелі і скалы. 9 астравоў населены.

Ланцуг астравоў Ідзу выцягнуты ад Такійскага заліва на поўдзень на 267,5 км. Усе яны маюць вулканічнае паходжанне. Налічваецца 17 падводных і наземных вулканаў. Некаторыя з іх актыўныя. Тут здараюцца частыя моцныя землятрусы і выкіду атрутных вулканічных газаў.

Клімат субтрапічны вільготны, знаходзіцца пад уплывам цёплай марской плыні Курасіа. Сярэдняя тэмпература жніўня — ад 26,3 °C да 26,9 °C. Сярэдняя тэмпература студзеня — ад 6,3 °C да 8,8 °C. Улетку з-за сутыкнення цёплых вільготных пластоў паветра з поўдню з халодным паветрам з поўначы фарміруюцца разбуральныя тайфуны.

На многіх астравах захаваліся першародныя лясы. Наземная фаўна не багатая, буйныя жывёлы адсутнічаюць. Акіянічныя воды вакол Ідзу насяляюць кіты, дэльфіны, марскія чарапахі і г. д.

Гісторыя

Астравы Ідзу былі населены ўжо ў каменным веку. На большасці астравоў знойдзены рэшткі керамікі і прылад працы эпохі дзёмон. У эпоху яёй яны з’яўляліся важнымі рытуальнымі цэнтрамі японскіх мараплаўцаў. Адсюль вывозілі чарапахавыя панцыры, якія выкарыстоўвалі для варажбы.

У склад японскай дзяржавы Ідзу ўвайшлі ў другой палове 1 тысячагоддзя н. э. На працягу сярэднявечча і да канца XIX ст. астравы кантраляваліся рознымі феадаламі. Сюды высылаліся палітычныя выгнаннікі.

У 1868 г. астравы былі далучаны да дзяржаўных тэрыторый, створана мясцовая дзяржаўная адміністрацыя на востраве Ідзу-Осіма. У 1878 г. Ідзу былі ўключаны ў склад префектуры Токіа. У 1943—1946 гг. знаходзіліся пад непасрэдным ваенным камандаваннем, хаця ніякіх ваенных дзеянняў на астравах не вялося. У пасляваенны перыяд Ідзу стала прыцягвалі да сябе ўвагу з-за моцных землятрусаў, вывяржэнняў і тайфунаў, з-за якіх прыходзілася эвакуіраваць мясцовае насельніцтва.

У наш час, асноўныя галіны эканомікі — рыбалоўства і турызм.

Цікавыя факты

Астравы Ідзу знакаміты паэзіяй, прысвечанай выгнаннікам.
У знакамітым японскім фільме «Гадзіла» (1984 г.), Гадзіла гіне падчас штучнага вывяржэння вулкана на востраве Ідзу-Осіма.

Спасылкі