Перайсьці да зьместу

Шэр (сьпявачка)

Зьвесткі зь Вікіпэдыі — вольнай энцыкляпэдыі
Гэтая назва мае некалькі сэнсаў. Калі вас цікавяць іншыя сэнсы, глядзіце таксама Шэр (неадназначнасьць).
Шэр
Шэрылін Саркісян
Дата нараджэньня 20 траўня 1946 (78 гадоў)
Месца нараджэньня Эль-Сэнтра, Каліфорнія, ЗША
Месца вучобы
Прафэсія сьпявачка, кампазытарка, рэжысэрка, прадусарка
Гады дзейнасьці 1963 — дагэтуль
Псэўданімы Cher[1], Bonnie Joe Mason[2], Cheryl LaPiere[2], Cherilyn Sarkisan La Piere[2], Cher Bono[2] і Bono Allman[2]
Сябра ў Sonny & Cher[d], Allman and Woman[d] і Chorra[d]
Жанры
Вакал кантральта[d]
Інструмэнты вакал
Псэўданімы Cher[1], Bonnie Joe Mason[2], Cheryl LaPiere[2], Cherilyn Sarkisan La Piere[2], Cher Bono[2] і Bono Allman[2]
Гурты Sonny & Cher
Супрацоўніцтва
  • Allman and Woman
  • Black Rose
Лэйблы
  • Atco
  • Casablanca
  • Columbia
  • Geffen
  • Imperial
  • Kapp
  • MCA
  • Reprise
  • United Artists
  • Warner
Бацька John Sarkisian[d]
Маці Джорджыя Гольт[d]
Дзеці Элайджа Блю Олмэн[d] і Чэз Бона[d]
Узнагароды
Сайт cher.com
Подпіс Выява аўтографу

Шэ́рылін Саркіся́н Лап’е́р Бо́на О́лмэн (па-ангельску: Cherilyn Sarkissian LaPiere Bono Allman; нар. 20 траўня 1946 году, Эль-Сэнтра, Каліфорнія), вядомая пад псэўданімам Шэр (па-ангельску: Cher) — амэрыканская поп-сьпявачка армянскага паходжаньня, аўтарка песень, акторка, рэжысэрка, тэлевядоўца. Адметная сваім сьпеўным контральтам і працяглай шасьцідзесяцігадовай кар’ерай.

Займела папулярнасьць у 1965 року ў складзе фолк-рокавага дуэту з уласным мужам дзякуючы песьні „I Got You Babe“, якая ўзначаліла гіт-парады ЗША і Вялікабрытаніі. Адначасна ў 1966 року Шэр пачала сольную кар’еру. У 1970-я пачала весьці тэлевізійныя перадачы. За гэты час стала артысткай, якая мае найбольшую колькасьць 1-ых месцаў у гіт-парадах ЗША.

У 1975 року разьвяліся з Соні Бона.

У 1982 року дэбютавала ў Брадўэйскай пастанове „Come Back to the Five and Dime, Jimmy Dean, Jimmy Dean“ ды зьнялася ў ейнай экранізацыі. Працягнула здымкі яшчэ ў некалькіх фільмах і атрымала прэмію Акадэміі найлепшай акторцы за ролю ў фільме „Зачараваныя Месяцам“ (1987). Пасьля зноў зьвярнулася да музычнай кар’еры і запісала рокавыя альбомы Cher (1987), Heart of Stone (1989), Love Hurts (1991). Альбом танцавальнага попу Believe зноў вывеў сьпявачку на першае месца па продажах у Вялікабрытаніі і прынёс ёй узнагароду Billboard за аднайменны самотнік.

Шэр уваходзіць у сьпіс найпрадаванейшых музычных выканаўцаў — колькасьць ейных прададзеных альбомаў перавышае 100 мільёнаў асобнікаў. Ляўрэатка прэміяў „Грэмі“, „Эмі“, Акадэміі, трох Залатых Глёбусаў, прэміі Канскага кінафэстывалю, „Іконы Billboard“, Цэнтру Кенэдзі і Рады мадэльераў Амэрыкі. Адзіная артыстка, музыка якой займала першыя месцы ў гіт-парадах Billboard на працягу шасьці дзесяцігодзьдзяў (ад 1960-х да 2010-х).

Жыцьцяпіс

[рэдагаваць | рэдагаваць крыніцу]

Бацька Шэрылін — Джон Саркісян — кіроўца грузавіка армянскага паходжаньня; маці — Джорджыя Голт — акторка і мадэлька[3][4][5][6]. Бацькі разьвяліся, калі дзяўчынцы было дзесяць месяцаў[5]. Пазьней маці выйшла за актора Джона Саўтгола[7]; гэтая сям’я распалася, калі Шэр было 9[8]. Маці яшчэ некалькі разоў выходзіла замуж і пераяжджала па ўсёй краіне.

Крыніцы

[рэдагаваць | рэдагаваць крыніцу]
  1. ^ а б https://www.timeandleisure.co.uk/things-to-do/review-the-cher-show-new-wimbledon-theatre/
  2. ^ а б в г д е ё ж з і Cher // Discogs (анг.) — 2000.
  3. ^ Furdyk, Brent (31 сьнежня 2017) Cher Refuses To Apologize For ‘Half-Breed’ After Twitter War Fuelled By Trump’s Diversity Coalition Appointee (анг.). Entertainment Tonight Canada. Праверана 2 красавіка 2021 г.
  4. ^ Bego 2001. С. 11.
  5. ^ а б Berman 2001. С. 17.
  6. ^ Susan Cheever. In a Broken Land // People : часопіс. — 17 траўня 1993.
  7. ^ Berman 2001. С. 17—18.
  8. ^ Berman 2001. С. 18.

Літаратура

[рэдагаваць | рэдагаваць крыніцу]

Вонкавыя спасылкі

[рэдагаваць | рэдагаваць крыніцу]
Атрымана з «https://be-tarask.wikipedia.org/w/index.php?title=Шэр_(сьпявачка)&oldid=2212683»