Беларускі сьцяг (1922)

Беларускі сьцяг
Пэрыядычнасьць	штомесяц
Краіна	Летува
Адрас	Коўна, Сенатарская вул. 8
Выдавец	Урад БНР
Галоўны рэдактар	Клаўдзі Дуж-Душэўскі
Дата заснаваньня	красавік 1922
Дата закрыцьця	верасень 1922
Мова	беларуская
Аб’ём	35 старонак

«Беларускі сьцяг» — штомесячны грамадзка-палітычны і літаратурны часопіс, орган ураду Беларускай Народнай Рэспублікі.

Выдаваўся ў красавіку — верасьні 1922 у Коўна на беларускай мове. Рэдактар-выдавец Клаўдзі Дуж-Душэўскі.

Галоўная мэта выданьня, на думку рэдакцыі, заключалася ў абароне незалежнай беларускай дзяржаўнасьці, павышэньні грамадзкай сьвядомасьці, умацаваньні волі да барацьбы шляхам асьвятленьня ўсіх бакоў беларускага жыцьця. Разглядаў палітычныя і грамадзкія падзеі ў Заходняй Беларусі, Польшчы, Летуве, Латвіі і БССР, уздымаў пытаньні вызваленчага руху і будучыні беларускага народу. Публікаваў артыкулы па праблемах барацьбы за адраджэньне і незалежнасьць Беларусі.

Некаторыя аўтары: Аляксандар Цьвікевіч (псеўд. А. Галынец і крыптанімам А. Ц.), Вацлаў Ластоўскі (псеўд. Власт), Ян Станкевіч, Іван Цьвікевіч (псеўд. І. Трызна, Ів. Яцьвяг), Вячаслаў Багдановіч (псеўд. Вячаслаў Сьвятагор) і інш.

Выйшла 4 нумары.

Літаратура

• Г. М. Зелянова. «Беларускі сьцяг»// Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1999. — Т. 5: М — Пуд. — 592 с. — ISBN 985-11-0141-9 — С. 453—454.
• Г. М. Зелянова. «Беларускі сьцяг»// Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1996. — Т. 2: Аршыца — Беларусцы. — 480 с. — ISBN 985-11-0061-7 — С. 457.

Вонкавыя спасылкі

• «Беларускі сьцяг» (1922) // Бібліятэка Акадэміі навук Літвы імя Урублеўскіх (па-летувіску: Lietuvos mokslų akademijos Vrublevskių biblioteka (LMAVB). Žygimantų g. 1, LT-01102 Vilnius