Аляксей Янушкевіч
| Аляксей Янушкевіч | ||
| Пэрсанальная інфармацыя | ||
|---|---|---|
| Нарадзіўся | 15 студзеня 1986[1][2] (38 гадоў) | |
| Рост | 191 см | |
| Вага | 80 кг | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2005—2007 | Дынама Менск | 15 (0) |
| 2008 | Тарпэда-БелАЗ | 26 (0) |
| 2009—2018 | Шахцёр Салігорск | 216 (6) |
| 2019—2020 | Іслач | 43 (0) |
| 2021 | Віцебск | 12 (0) |
| Зборныя | ||
| 2004 | Беларусь (да 19)[d] | 2 (0) |
| 2005—2009 | Беларусь (да 21) | 16 (1) |
| 2014—2017 | Беларусь | 4 (0) |
- Вікіпэдыя мае артыкулы пра іншых асобаў з прозьвішчам Янушкевіч.
Аляксе́й Янушке́віч (нар. 15 студзеня 1986 году, Менск, БССР) — колішні беларускі футбаліст, абаронца. У 2014—2017 гадах правёў 4 матчы за нацыянальную зборную Беларусі.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Пачаў кар’еру ў менскім «Дынама», гуляў у арэндзе ў жодзінскім «Тарпэда». З 2009 году быў гульцом салігорскага «Шахцёра». У сэзоне 2010 году стаў асноўным цэнтральным абаронцам каманды. У другой палове 2013 году часам заставаўся на лаўцы запасных, саступаючы месца цэнтральных абаронцаў Яўгену Постнікаву і Мікалаю Кашэўскаму. Па заканчэньні сэзону 2013 году зьявілася інфармацыя аб магчымым пераходзе Янушкевіча ў казаскі «Атыраў», але ў сьнежні 2013 году кантракт з «Шахцёрам» быў падоўжаны[3]. У сэзоне 2014 году зноў быў трывалым цэнтральным абаронцам салігарчанаў.
У студзені 2015 году зноў падоўжыў кантракт з гарнякамі[4]. Сэзон 2015 году распачаў у цэнтры абароны, але пазьней выкарыстоўваўся на флянгах. Канец сэзону быў вымушаны прапусьціць праз траўму. У лістападзе 2015 году чарговы раз падоўжыў кантракт з «Шахцёрам»[5]. У сэзоне 2016 году страціў месца ў асноўным складзе, згуляўшы толькі ў 11 матчах чэмпіянату. Па заканчэньні сэзону зьявілася інфармацыя аб тым, што Янушкевіч можа пакінуць Салігорск[6], аднак у выніку ў студзені 2017 году чарговы раз падоўжыў супрацу з клюбам[7]. У сэзоне 2017 году вярнуў месца асноўнага цэнтральнага абаронцы салігарчанаў. У кастрычніку 2017 году стала вядома, што Янушкевіч застанецца ў камандзе на наступны сэзон[8].
Сэзон 2018 году пачынаў на лаўцы запасных, а пазьней пачаў выходзіць у пачатковым складзе. Атрымаўшы пашкоджаньне, у чэрвені выбыў да канца сэзону. У сьнежні 2018 году па заканчэньні кантракту пакінуў «Шахцёр»[9] і неўзабаве стаў гульцом «Іслачы»[10], дзе замацаваўся ў асноўным складзе. У лістападзе 2019 году падоўжыў кантракт зь «Іслаччу»[11].
У студзені 2021 году пакінуў «Іслач»[12] і неўзабаве падпісаў пагадненьне зь «Віцебскам»[13]. Ня меў трывалага месца ў стартавым складзе віцебскай каманды, выкарыстоўваўся як гулец ратацыі. У студзені 2022 году па заканчэньні кантракта пакінуў «Віцебск»[14] і завяршыў прафэсійную кар’еру.
Міжнародная
[рэдагаваць | рэдагаваць крыніцу]15 лістапада 2014 году дэбютаваў у нацыянальнай зборнай Беларусі ў гульні адборачнага турніру да чэмпіянату Эўропы 2016 году супраць зборнай Гішпаніі. У гэтым матчы гуляў на пазыцыі цэнтральнага абаронцы, а матч скончыўся зь лікам 3:0 на карысьць гішпанцаў. Пасьля амаль трохгадовага перапынку зноў быў выкліканы ў зборную ў кастрычніку 2017 году.
Дасягненьні
[рэдагаваць | рэдагаваць крыніцу]- Уладальнік Кубка Беларусі: 2014
- Срэбраны прызэр чэмпіянату Беларусі: 2012, 2013
- Бронзавы прызэр чэмпіянату Беларусі: 2014, 2015, 2017
- У сьпісе 22 найлепшых гульцоў чэмпіянату Беларусі: 2012, 2014
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Шахцёр Салігорск | 2015 | Найвышэйшая ліга | 19 | 0 |
| 2016 | Найвышэйшая ліга | 11 | 0 | |
| 2017 | Найвышэйшая ліга | 25 | 3 | |
| 2018 | Найвышэйшая ліга | 7 | 1 | |
Крыніцы
[рэдагаваць | рэдагаваць крыніцу]- ^ а б в Aleksey Yanushkevich // Transfermarkt (мн.) — 2000.
- ^ а б в Alyaksey Yanushkevich // FBref (мн.)
- ^ Алексей Янушкевич продлил контракт с "Шахтером" (рас.)
- ^ "Шахтер" подписал контракт с Козекой и продлил соглашение с Янушкевичем (рас.)
- ^ "Шахтер" продлил контракт с Янушкевичем (рас.)
- ^ «Шахтер» расстанется с Янушкевичем, Тимошенко, Осипенко, Игнятевичем и Павловым (рас.)
- ^ "Шахтер" продлил контракт с Янушкевичем (рас.)
- ^ Януш, Матвейчик и еще пять игроков основного состава продлили контракты с «Шахтером» (рас.)
- ^ "Шахтер" расстался с Лаптевым, Шимуновичем, Янушкевичем и еще четырьмя футболистами (рас.)
- ^ Янушкевич перешел в "Ислочь" (рас.)
- ^ Янушкевич продлил контракт с "Ислочью" (рас.)
- ^ Концевой и Янушкевич расстались с "Ислочью" (рас.)
- ^ Алексей Янушкевич стал игроком "Витебска" (рас.)
- ^ Янушкевич покинул "Витебск" (рас.)
Вонкавыя спасылкі
[рэдагаваць | рэдагаваць крыніцу]- Профіль на афіцыйным сайце «Шахцёру» (рас.)
- Статыстыка «ПБ-Инфо» (рас.)
- Нарадзіліся 15 студзеня
- Нарадзіліся ў 1986 годзе
- Нарадзіліся ў Менску
- Футбалісты клюбу «Дынама» Менск
- Футбалісты клюбу «Тарпэда-БелАЗ» Жодзін
- Футбалісты клюбу «Шахцёр» Салігорск
- Футбалісты клюбу «Іслач» Менскі раён
- Футбалісты клюбу «Віцебск»
- Футбалісты моладзевай зборнай Беларусі
- Футбалісты зборнай Беларусі
- Беларускія футбалісты