Wudu
An Wudu (Arabic: الوضوء al-wuḍūʼ [wʊˈdˤuːʔ]) iyo an Islamikong proseso nin paglinig kan mga kabtang kan hawak, sarong klase nin ritwal na pagdalisay o ablusyon.[wʊˈdˤuːʔ] An 4 Fardh (Mandatoryo) na mga gibo ni Wudu kompwesto nin paghanaw sa lalawgon, mga takyag, dangan pagpunas sa payo asin bitis gamit an tubig.
An Wudu sarong mahalagang kabtang nin ritwal na kadalisayan sa Islam. Pinamamahalaan iyan nin fiqh (Islamic jurisprudence), na nagsasabi nin mga susundon mapadapit sa kalinigan asin tinatawan nin kahulogan an mga ritwal na minakompwesto kaiyan.[1]
Ginigibo iyan sa parati bago mamibi (salah o salat). Kabale sa mga aktibidad na nag-iinbalido sa wudu iyo an pag-ihi, pag-udo, pag-atot, hararom na pagturog, bakong makuring pagdugo, pagregla, postpartum asin pagkikitoan.
An Wudu parati tinatradusir bilang 'partial ablution', bilang kontra sa ghusl bilang 'full ablution' kun saen hinuhugasan an bilog na hawak. Napapalaen man iyan sa tayammum ('dry ablution'), na naggagamit nin baybay o alpog imbes na tubig, sa pangenot huli sa kakulangan nin tubig o iba pang nakadadanyar na epekto sa tawo.[2] Inaapod na taharah an pagdalisay sa hawak asin gubing.
